Parlament Májilisiniń jalpy otyrysynda depýtat Keńes Absatirov koronavirýstyń bolýy múmkin jańa tolqyny qaýpine bailanysty biznesti qorǵaý qadamdaryna nazar aýdardy. Osy oraida ol Úkimet basshysy Asqar Maminniń atyna depýtattyq saýal joldady, dep habarlaidy "Ult aqparat".
«Sońǵy aptalarda álemde COVID—19 indetin juqtyrýdyń jańa tolqyny baiqalýda. Eýropada aýrýǵa shaldyqqandar 5 millionnan asyp ketti, onyń ishinde 230 myńy qaitys boldy. Aziia elderinde 8 millionnan astamy aýrý juqtyryp, 130 myńy kóz jumdy», - dep toqtaldy depýtat.
Osy oraida ol kórshiles Reseide de jaǵdai ýshyǵyp bara jatqanyn jetkizdi.
«Syrtqy úrdister turǵysynda qoǵam elimizde aýrý juqtyrýdyń bolýy múmkin qaýpiniń jańa tolqynyna qatysty alańdap otyr. Sonymen qatar, kásipkerler biznestiń jabylýyna qaýiptenip otyr. Sebebi shaǵyn jáne orta biznes sýbektileriniń kóbisi jumystaryn qalpyna keltire almady», - dedi Keńes Absatirov.
Osyǵan bailanysty «Aq jol» partiiasynyń fraktsiiasy Úkimetten qabyldanyp jatqan sharalar aiasynda azamattardyń ómir súrý deńgeiiniń tómendeýine jol bermeýdi, shaǵyn jáne orta biznesti kúireýden qorǵaý qadamdaryn eskerýdi surady.
