پارلامەنت مەجٸلٸسٸنٸڭ جالپى وتىرىسىندا دەپۋتات كەڭەس ابساتيروۆ كوروناۆيرۋستىڭ بولۋى مٷمكٸن جاڭا تولقىنى قاۋپٸنە بايلانىستى بيزنەستٸ قورعاۋ قادامدارىنا نازار اۋداردى. وسى ورايدا ول ٷكٸمەت باسشىسى اسقار ماميننٸڭ اتىنا دەپۋتاتتىق ساۋال جولدادى, دەپ حابارلايدى "ۇلت اقپارات".
«سوڭعى اپتالاردا ەلەمدە COVID—19 ٸندەتٸن جۇقتىرۋدىڭ جاڭا تولقىنى بايقالۋدا. ەۋروپادا اۋرۋعا شالدىققاندار 5 ميلليوننان اسىپ كەتتٸ, ونىڭ ٸشٸندە 230 مىڭى قايتىس بولدى. ازييا ەلدەرٸندە 8 ميلليوننان استامى اۋرۋ جۇقتىرىپ, 130 مىڭى كٶز جۇمدى», - دەپ توقتالدى دەپۋتات.
وسى ورايدا ول كٶرشٸلەس رەسەيدە دە جاعداي ۋشىعىپ بارا جاتقانىن جەتكٸزدٸ.
«سىرتقى ٷردٸستەر تۇرعىسىندا قوعام ەلٸمٸزدە اۋرۋ جۇقتىرۋدىڭ بولۋى مٷمكٸن قاۋپٸنٸڭ جاڭا تولقىنىنا قاتىستى الاڭداپ وتىر. سونىمەن قاتار, كەسٸپكەرلەر بيزنەستٸڭ جابىلۋىنا قاۋٸپتەنٸپ وتىر. سەبەبٸ شاعىن جەنە ورتا بيزنەس سۋبەكتٸلەرٸنٸڭ كٶبٸسٸ جۇمىستارىن قالپىنا كەلتٸرە المادى», - دەدٸ كەڭەس ابساتيروۆ.
وسىعان بايلانىستى «اق جول» پارتيياسىنىڭ فراكتسيياسى ٷكٸمەتتەن قابىلدانىپ جاتقان شارالار اياسىندا ازاماتتاردىڭ ٶمٸر سٷرۋ دەڭگەيٸنٸڭ تٶمەندەۋٸنە جول بەرمەۋدٸ, شاعىن جەنە ورتا بيزنەستٸ كٷيرەۋدەن قورعاۋ قادامدارىن ەسكەرۋدٸ سۇرادى.
