Ońtústik Koreia astanasy Seýl qalasynda poiyzdyń relsten shyǵyp ketýi saldarynan kem degende 30 adam jaraqat aldy, - dep habarlaidy kaz.tengritravel.kz portaly Renhap agenttigine silteme jasap.
"Seýl ortalyǵynda poiyz relsten shyǵyp ketip, sonyń saldarynan 30 adam jaraqat aldy", - delingen habarlamada.
KORAIL málimetinshe, zardap shekkenderdiń kóbisi jeńil jaraqat alǵan. Apat bolǵan kezde poiyzda 275 jolaýshy bolǵan.
Agenttik málimetinshe, oqiǵa jergilikti ýaqyt boiynsha 20:52-de bolǵan, poiyz qala ortalyǵyndaǵy stantsiialardyń birine jaqyndap kele jatqan. Alty temirjol vagony relsten shyǵyp ketkeni aitylady, onyń beseýinde jolaýshylar bolǵan.
Basylym málimetinshe, apatqa bailanysty osy tizbekte poiyz qatynasy bir saǵattan asa ýaqytqa toqtaǵan. Qazirgi ýaqytta KORAIL oqiǵanyń mán-jaiyn anyqtap jatyr.
