Seýl meri O Se Hýn Itevonda Helloýindi toilaý kezindegi apat úshin keshirim surady, - dep habarlaidy Massaget.kz portaly.
Mer qalalyq ákimdikte óz ustanymyn jariialaý úshin baspasóz máslihatyn ótkizip, "Turǵyndardyń ómiri men qaýipsizdigine jaýapty Seýl meri retinde men osy apatqa jaýapty sezinemin jáne keshirim suraimyn" dedi.
"Men apattan zardap shekkender úshin duǵa etemin. Qaza bolǵandardyń týystaryna kóńil aitamyn jáne qazir emdelip jatqan adamdardyń tezirek saýyǵyp ketýine shyn júrekten tilektespin", - dedi qala meri.
Sonymen qatar, ol qaza tapqandardyń otbasyna qoldaý kórsetýdi jalǵastyratynyn atap ótti.
"Biz mundai qaiǵyly oqiǵa qaitalanbaýy úshin sharalar qabyldaimyz", - dedi ol.
Baspasóz máslihatynyń ortasynda sóilei almai, jylap alǵan mer "Kesh keshirim suraǵanym úshin keshirińizder" dep burylyp, kóz jasyn súrtti.
Aita keteiik, senbide tústen keiin 100 000-ǵa jýyq adam Helloýinniń alǵashqy demalysyn atap ótý úshin oiyn-saýyq aýdanynda bolǵan. Osylaisha, qysym saldarynan 50 adamnyń júregi toqtap qalǵan.
Artynsha Helloýindi toilaý kezinde 155 adam qaitys bolyp, 82 adam jaralanǵany habarlanǵan bolatyn. Qaza tapqandar ishinde qazaqstandyq qyz bar.
