Búgin Úkimet otyrysynda QR Ekologiia, geologiia jáne tabiǵi resýrstar ministri Serikqali Brekeshev kádege jaratý alymyna qatysty túsinik berdi, dep habarlaidy QazAqparat.
«Kádege jaratý alymyn ákimshilendirý jáne tiisti qarajatqa ielik etý fýnktsiialary memlekettiń 100% paiyzdyq úlesi bar Ministrliktiń vedomstvolyq baǵynysty uiymy - «Jasyl damý» aktsionerlik qoǵamyna berildi. Onyń direktorlar quramy bekitildi. Aita ketý kerek, direktorlar quramyna qoǵam ókilderi kirdi. Sondai-aq, kún saiyn «Atameken» Ulttyq kásipkerler palatasy alańynda kádege jaratý alymynyń mólsherlemesin qaita qaraý máselesi boiynsha qoǵamdastyqtyń, biznestiń jáne múddeli memlekettik organdardyń qatysýymen Jumys tobynyń otyrystary ótkizildi», - dedi S. Brekeshev.
Onyń aitýynsha, qazirgi tańda kabeldi-ótkizgish ónimderge kádege jaratý alymyn alýdy 2023 jylǵy 1-shi qańtarǵa deiin toqtata turý sheshimi qabyldandy.
«Stavkalardy qaita qaraý boiynsha jumysty Qazaqstan Respýblikasy Indýstriia jáne infraqurylymdyq damý ministrligimen birlesip osy aidyń sońyna deiin aiaqtaimyz», - dedi ministr.
