Básekelestikti qorǵaý jáne damytý agenttiginiń tóraǵasy Serik Jumanǵarin baspana baǵasy týraly pikir bildirdi, dep habarlaidy QazAqparat tilshisi.
«Baspana baǵasy boiynsha qolymda qazir sońǵy derekter joq. Byltyr qaitalama naryqta da, bastapqy naryqta da baǵanyń ósýin tirkegen bolatynbyz. Biz bastapqy jáne qaitalama naryqtaǵy baspana baǵasyn 3-ten 20%-ǵa deiin túsirilgenin málimdegen edik. Óitkeni jetekshi qurylys kompaniialarymen sondai memorandýmǵa qol qoiǵanbyz. Bul búkil Qazaqstan boiynsha baǵanyń túsýine áser etti. Bapana satyp alýǵa qajet qarjy kóziniń paida bolýy baǵany sharyqtatqanyn ózderińiz de bilesizder», - dedi Serik Jumanǵarin.
Onyń paiymynsha, baspana baǵasynyń qalai qubylatyny eldegi, syrttaǵy ekonomikalyq jaǵdailarǵa táýeldi.
«Halyq jinaǵan aqshasynyń bárin baspanaǵa salady. Sondyqtan biz bul máselege monitoring júrgizemiz. Baǵa qatty ósedi dep oilamaimyn. Óitkeni bul halyqtyń tólem qabiletine tikelei bailanysty», - dedi agenttik basshysy.
