بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعارين باسپانا باعاسى تۋرالى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«باسپانا باعاسى بويىنشا قولىمدا قازٸر سوڭعى دەرەكتەر جوق. بىلتىر قايتالاما نارىقتا دا, باستاپقى نارىقتا دا باعانىڭ ٶسۋٸن تٸركەگەن بولاتىنبىز. بٸز باستاپقى جەنە قايتالاما نارىقتاعى باسپانا باعاسىن 3-تەن 20%-عا دەيٸن تٷسٸرٸلگەنٸن مەلٸمدەگەن ەدٸك. ٶيتكەنٸ جەتەكشٸ قۇرىلىس كومپانييالارىمەن سونداي مەموراندۋمعا قول قويعانبىز. بۇل بٷكٸل قازاقستان بويىنشا باعانىڭ تٷسۋٸنە ەسەر ەتتٸ. باپانا ساتىپ الۋعا قاجەت قارجى كٶزٸنٸڭ پايدا بولۋى باعانى شارىقتاتقانىن ٶزدەرٸڭٸز دە بٸلەسٸزدەر», - دەدٸ سەرٸك جۇمانعارين.
ونىڭ پايىمىنشا, باسپانا باعاسىنىڭ قالاي قۇبىلاتىنى ەلدەگٸ, سىرتتاعى ەكونوميكالىق جاعدايلارعا تەۋەلدٸ.
«حالىق جيناعان اقشاسىنىڭ بەرٸن باسپاناعا سالادى. سوندىقتان بٸز بۇل مەسەلەگە مونيتورينگ جٷرگٸزەمٸز. باعا قاتتى ٶسەدٸ دەپ ويلامايمىن. ٶيتكەنٸ بۇل حالىقتىڭ تٶلەم قابٸلەتٸنە تٸكەلەي بايلانىستى», - دەدٸ اگەنتتٸك باسشىسى.
