Serik Sápiev mádeniet jáne sport ministrligi sport jáne dene shynyqtyrý isteri komitetiniń tóraǵasy qyzmetinen bosatyldy. Aqparatty vedomstvo baspasóz qyzmeti rastady, - dep habarlaidy "Ult aqparat".
"Bul aqparatty rastaimyz. Mádeniet jáne sport ministrligi sport jáne deneshynyqtyrý isteri komitetiniń tóraǵasy Serik Sápiev óz erkimen qyzmetinen bosatyldy", - dedi komitet baspasóz qyzmetiniń ókili jýrnaliske.
Aita keteiik, jazda ótken Tokio Olimpiada oiyndarynda qazaqstandyq boksshylar joǵary nátije kórsete almaǵan edi.
«Basqa boksshylardyń da nátijesi máz emes, keibir sportshylar tiisti deńgeidegi daiyndyqpen kelmedi. Jalpy boksshylar Olimpiadada «altyn» almaǵandyqtan, kórsetkish nashar dep esepteimin», - dep baǵalaǵan Serik Sápiev.
Ol – bokstan London Olimpiadasynyń chempiony (69 kelige deiin), Vel Barker kýbogynyń iegeri, eki dúrkin álem chempiony (2005, 2007).
Sápiev sporttaǵy jolyn 2012 jyly aiaqtady. Keiin "Bolashaq" baǵdarlamasy boiynsha Ulybritaniiadaǵy Brýnel ýniversitetinde bilimin shyńdady. 2014-2017 jyldary "Astana Arlans" kásibi boks klýbynyń bas direktory boldy.
2017 jyldyń 28 aqpanynan 2019 jyldyń 30 qańtaryna deiin – Parlament Májilisiniń depýtaty.
2019 jyldyń qańtarynan MSM sport jáne dene shynyqtyrý isteri komitetiniń tóraǵasy qyzmetin atqardy.
