Asa jeńil salmaqta óner kórsetetin qazaqstandyq faiter Sergei Morozov (17-6) UFC-degi úshinshi jekpe-jeginde ekinshi ret jeńilis tapty.
32 jastaǵy aqtóbelik sportshy Hiýstonda (Tehas, AQSh) ótken UFC 271 týrnirinde baq synady, - dep habarlaidy "Ult aqparat".
Morozovtyń qarsylasy amerikalyq promoýshende onynshy jekpe-jegin ótkizgen 36 jastaǵy braziliialyq Dýglas Silva de Andrade (28-4-0-1) boldy. Úsh raýndqa eseptelgen kezdesý ekinshi raýndtyń sońynda aiaqtaldy. Dýglas Morozovty tunshyqtyrý ádisimen utty.
Silva de Andrade úshin bul - qatarynan ekinshi jeńis. Endi onyń UFC-degi esebinde tórt jeńilis, alty jeńis bar. Alaida ol karerasynda ekinshi ret qana sabmishenmen jeńip otyr.
Morozovqa keletin bolsaq, ol ótkizgen úsh jekpe-jekte ekinshi ret sátsizdikke ushyrady. Ol byltyr qańtarda reseilik Omar Nýrmagomedovtan (13-0) jeńilgen bolatyn.
Aita keteiik, UFC 271 týrniriniń sońynda qazaqstandyq faiter Sergei Morozov pen braziliialyq Dýglas Silva «Keshtiń úzdik aiqasy» úshin beriletin 50 myń dollar bonýsty da ielendi.
