اسا جەڭٸل سالماقتا ٶنەر كٶرسەتەتٸن قازاقستاندىق فايتەر سەرگەي موروزوۆ (17-6) UFC-دەگٸ ٷشٸنشٸ جەكپە-جەگٸندە ەكٸنشٸ رەت جەڭٸلٸس تاپتى.
32 جاستاعى اقتٶبەلٸك سپورتشى حيۋستوندا (تەحاس, اقش) ٶتكەن UFC 271 تۋرنيرٸندە باق سىنادى, - دەپ حابارلايدى "ۇلت اقپارات".
موروزوۆتىڭ قارسىلاسى امەريكالىق پروموۋشەندە ونىنشى جەكپە-جەگٸن ٶتكٸزگەن 36 جاستاعى برازيلييالىق دۋگلاس سيلۆا دە اندرادە (28-4-0-1) بولدى. ٷش راۋندقا ەسەپتەلگەن كەزدەسۋ ەكٸنشٸ راۋندتىڭ سوڭىندا اياقتالدى. دۋگلاس موروزوۆتى تۇنشىقتىرۋ ەدٸسٸمەن ۇتتى.
سيلۆا دە اندرادە ٷشٸن بۇل - قاتارىنان ەكٸنشٸ جەڭٸس. ەندٸ ونىڭ UFC-دەگٸ ەسەبٸندە تٶرت جەڭٸلٸس, التى جەڭٸس بار. الايدا ول كارەراسىندا ەكٸنشٸ رەت قانا سابميشەنمەن جەڭٸپ وتىر.
موروزوۆقا كەلەتٸن بولساق, ول ٶتكٸزگەن ٷش جەكپە-جەكتە ەكٸنشٸ رەت سەتسٸزدٸككە ۇشىرادى. ول بىلتىر قاڭتاردا رەسەيلٸك ومار نۋرماگومەدوۆتان (13-0) جەڭٸلگەن بولاتىن.
ايتا كەتەيٸك, UFC 271 تۋرنيرٸنٸڭ سوڭىندا قازاقستاندىق فايتەر سەرگەي موروزوۆ پەن برازيلييالىق دۋگلاس سيلۆا «كەشتٸڭ ٷزدٸك ايقاسى» ٷشٸن بەرٸلەتٸن 50 مىڭ دوللار بونۋستى دا يەلەندٸ.
