«Sergek» kameralary jol erejesin buzýshylarmen qatar karantin kezinde tótenshe jaǵdai rejimin saqtamaǵandardy da qadaǵalap otyrady. Bul týraly Nur-Sultan qalalyq politsiia departamentinen málim etti, dep habarlaidy "Ult aqparat".
«Tekserý júrgizýshige qatysty júrgiziledi. Kólikti toqtatqan kezde politsiia qyzmetkerleri «Sergek-patýrl» bazasyna júrgizýshi men kóliktiń málimetterin, atap aitqanda JSN, kóliktiń memlekettik nómirin jáne júrgizýshiniń aitýynsha onyń turǵylyqty jáne jumys ornynyń mekenjaiyn tirkeidi», - dep atap ótedi vedomstvodan.
Al dál sol júrgizýshini kelesi joly toqtatyp, tekserý barysynda aqparattyq bazada tirkelgen málimetter sai kelmese, onda ol jazaǵa tartylady. Bul rette eger júrgizýshi azyq-túlik nemese dári-dármek alýǵa barǵan bolsa, onda QR Ákimshilik quqyq buzý týraly kodekstiń 476-babymen (Tótenshe jaǵdai rejimin buzý) ákimshilik jaýapkershilikke tartylmaidy.
«Birinshi ret eskertý beriledi. Al ekinshi ret Nur-Sultan qalalyq mamandandyrylǵan aýdanaralyq ákimshilik sotynyń sheshimine sáikes, 10 AEK-ten 15 táýlikke deiin jaza qarastyrylǵan. Nur-Sultan qalasynyń politsiia departamenti tótenshe jaǵdai rejimin buzbaýdy jáne ony saqtaýdy eskertedi», - dep atap ótedi departamentten.
