«سەرگەك» كامەرالارى جول ەرەجەسٸن بۇزۋشىلارمەن قاتار كارانتين كەزٸندە تٶتەنشە جاعداي رەجيمٸن ساقتاماعانداردى دا قاداعالاپ وتىرادى. بۇل تۋرالى نۇر-سۇلتان قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
«تەكسەرۋ جٷرگٸزۋشٸگە قاتىستى جٷرگٸزٸلەدٸ. كٶلٸكتٸ توقتاتقان كەزدە پوليتسييا قىزمەتكەرلەرٸ «سەرگەك-پاتۋرل» بازاسىنا جٷرگٸزۋشٸ مەن كٶلٸكتٸڭ مەلٸمەتتەرٸن, اتاپ ايتقاندا جسن, كٶلٸكتٸڭ مەملەكەتتٸك نٶمٸرٸن جەنە جٷرگٸزۋشٸنٸڭ ايتۋىنشا ونىڭ تۇرعىلىقتى جەنە جۇمىس ورنىنىڭ مەكەنجايىن تٸركەيدٸ», - دەپ اتاپ ٶتەدٸ ۆەدومستۆودان.
ال دەل سول جٷرگٸزۋشٸنٸ كەلەسٸ جولى توقتاتىپ, تەكسەرۋ بارىسىندا اقپاراتتىق بازادا تٸركەلگەن مەلٸمەتتەر ساي كەلمەسە, وندا ول جازاعا تارتىلادى. بۇل رەتتە ەگەر جٷرگٸزۋشٸ ازىق-تٷلٸك نەمەسە دەرٸ-دەرمەك الۋعا بارعان بولسا, وندا قر ەكٸمشٸلٸك قۇقىق بۇزۋ تۋرالى كودەكستٸڭ 476-بابىمەن (تٶتەنشە جاعداي رەجيمٸن بۇزۋ) ەكٸمشٸلٸك جاۋاپكەرشٸلٸككە تارتىلمايدى.
«بٸرٸنشٸ رەت ەسكەرتۋ بەرٸلەدٸ. ال ەكٸنشٸ رەت نۇر-سۇلتان قالالىق مامانداندىرىلعان اۋدانارالىق ەكٸمشٸلٸك سوتىنىڭ شەشٸمٸنە سەيكەس, 10 اەك-تەن 15 تەۋلٸككە دەيٸن جازا قاراستىرىلعان. نۇر-سۇلتان قالاسىنىڭ پوليتسييا دەپارتامەنتٸ تٶتەنشە جاعداي رەجيمٸن بۇزباۋدى جەنە ونى ساقتاۋدى ەسكەرتەدٸ», - دەپ اتاپ ٶتەدٸ دەپارتامەنتتەن.
