Serbiiada Qazaqstan azamaty jumbaq jaǵdaida qaza tapty. Marqumnyń týystarynyń aitýynsha, boijetken Belgrad qalasyndaǵy turǵyn úidiń altynshy qabatynan qulaǵan. Otbasy bul oqiǵanyń jan-jaqty tergelýi qajet ekenin aityp, onyń jai ǵana jazataiym jaǵdai bolmaýy múmkin ekenin joqqa shyǵarmaidy, dep habarlaidy ult.kz.
Marqumnyń ákesi videoúndeý jariialap, qyzynyń ólimine qatysty kóptegen suraq týyndaǵanyn málimdedi. Onyń sózinshe, oqiǵaǵa Vlad esimdi jigittiń, sondai-aq Ýkraina azamattary bolýy múmkin birneshe qyzdyń qatysy bolýy yqtimal. Ákesi qandai da bir aqparat biletin azamattardy ózimen bailanysýǵa shaqyrdy.
Qazaqstannyń Syrtqy ister ministrligi respýblika azamatynyń qaza tapqanyn rastady. Vedomstvonyń málimetinshe, Qazaqstannyń Serbiiadaǵy elshiligi jergilikti quqyq qorǵaý organdarymen birlesip, oqiǵanyń barlyq mán-jaiyn anyqtap jatyr.
Ministrlik bul istiń erekshe baqylaýǵa alynǵanyn atap ótti.
