سەربييادا قازاقستان ازاماتى جۇمباق جاعدايدا قازا تاپتى. مارقۇمنىڭ تۋىستارىنىڭ ايتۋىنشا, بويجەتكەن بەلگراد قالاسىنداعى تۇرعىن ٷيدٸڭ التىنشى قاباتىنان قۇلاعان. وتباسى بۇل وقيعانىڭ جان-جاقتى تەرگەلۋٸ قاجەت ەكەنٸن ايتىپ, ونىڭ جاي عانا جازاتايىم جاعداي بولماۋى مٷمكٸن ەكەنٸن جوققا شىعارمايدى, دەپ حابارلايدى ult.kz.
مارقۇمنىڭ ەكەسٸ ۆيدەوٷندەۋ جارييالاپ, قىزىنىڭ ٶلٸمٸنە قاتىستى كٶپتەگەن سۇراق تۋىنداعانىن مەلٸمدەدٸ. ونىڭ سٶزٸنشە, وقيعاعا ۆلاد ەسٸمدٸ جٸگٸتتٸڭ, سونداي-اق ۋكراينا ازاماتتارى بولۋى مٷمكٸن بٸرنەشە قىزدىڭ قاتىسى بولۋى ىقتيمال. ەكەسٸ قانداي دا بٸر اقپارات بٸلەتٸن ازاماتتاردى ٶزٸمەن بايلانىسۋعا شاقىردى.
قازاقستاننىڭ سىرتقى ٸستەر مينيسترلٸگٸ رەسپۋبليكا ازاماتىنىڭ قازا تاپقانىن راستادى. ۆەدومستۆونىڭ مەلٸمەتٸنشە, قازاقستاننىڭ سەربيياداعى ەلشٸلٸگٸ جەرگٸلٸكتٸ قۇقىق قورعاۋ ورگاندارىمەن بٸرلەسٸپ, وقيعانىڭ بارلىق مەن-جايىن انىقتاپ جاتىر.
مينيسترلٸك بۇل ٸستٸڭ ەرەكشە باقىلاۋعا الىنعانىن اتاپ ٶتتٸ.
