Prezident Qasym-Jomart Toqaev fýtzaldan Qazaqstan quramasyn álem chempionatynyń jartylai finalyna shyǵýymen quttyqtady.
Bul týraly Memleket basshysy óziniń Twitter-degi paraqshasynda jazdy.
«Fýtzaldan Qazaqstan ulttyq quramasy alǵash ret álem chempionatynyń jartylai finalyna shyǵyp, keremet sensatsiia jasady. Qutty bolsyn! Aldaǵy oiyndaryna da sáttilik tileimin!», - delingen mátinde.
Aita keteiik, fýtzaldan álem chempionatynyń shirek finalynda Qazaqstan quramasy irandyq fýtzalshylarmen kezdesip, 3:2 esebimen jeńiske jetken bolatyn.
Finalǵa shyǵý úshin endi olar Portýgaliiamen kúsh synaspaq. Match 30 qyrkúiekte ótedi. 1/2 finaldaǵy ekinshi jup Braziliia men Argentina boldy.
Qazaqstan quramasy budan buryn álem chempionatynyń finaldyq satysynda eki márte baq synaǵan edi. 2000 jyly birinshi kezeńnen asa almasa, 2016 jyly 1/8 finalǵa deiin jetti.
Álem chempionatynyń finaly 3 qazanǵa belgilengen.
