Skrinshot
Iri qurylys kompaniiasy Sensata burynǵy ulttyq ekonomika ministri Qýandyq Bishimbaev pen onyń seriktesteriniń baqylaýynda bolǵan, dep habarlaidy «Ult aqparat».
«Meniń bilýimshe, bul ǵimarat («Gastro-tsentr») Qýandyq pen onyń seriktesterine, sondai-aq «Sensata» kompaniiasyna tiesili, munda Baqytjan (Baijanov, Bishimbaevtyń týysy, «Gastro-tsentr» direktory ) negizin qalaýshy boldy. Men páter alǵan kezde Baqytjan shaǵyn jeńildik jasady», - dedi Aitym Amangeldi juma kúni sotta.
Saltanat Núkenovanyń aǵasy Aitym Amangeldi qaryndasyn Bishimbaev aiýandyqpen óltirdi dep aiyptaidy.
Sonymen qatar, prokýror Bishimbaev pen Baijanovtyń qarym-qatynasyn surady.
«Men bul týraly eshteńe aita almaimyn, tek páterge qatysty barlyq nusqaýlardy Baijanov oryndaǵan, al Sensata boiynsha bári Baijanov arqyly ótken», - dedi A.Amangeldi.
Al Sensata málimetine sáikes, ol premiým, biznes jáne komfort klasyndaǵy turǵyn úilerdi salýǵa mamandanǵan.
Esterińizge sala keteiik, 2023 jyly 9 qarasha kúni keshke áleýmettik jelide eks-ministr Qýandyq Bishimbaevtyń áieli Saltanat Núkenovany uryp óltirgeni týraly habarlama taraǵan bolatyn. 2024 jyldyń 8 qańtarynda eks-ministr Bishimbaevty aiýandyqpen óltirdi dep aiyptalyp otyr. Al aiyptalýshy Bishimbaev óz kinásin moiyndamaidy.
