enator Bekbolat Orynbekov aýdandyq mańyzy bar mono jáne shaǵyn qalalarǵa jumys isteý úshin kelgen jas mamandarǵa áleýmettik qoldaý kórsetý máselesin kóterdi. Ol bul týraly elimizdiń Úkimet basshysyna joldaǵan depýtattyq saýalynda aitty, dep habarlaidy "Ult aqparat".
Búginde aýyldyq eldi mekenderge jumys isteýge jáne turýǵa kelgen áleýmettik sala mamandaryn qoldaýǵa baǵyttalǵan «Diplommen aýylǵa» jobasy iske asyrylýda. Jobanyń basty maqsaty – aýyldyq eldi mekenderdegi kadr tapshylyǵyn sheshý.
Depýtattyń aitýy boiynsha atalǵan baǵdarlamany aýdandyq mańyzy bar mono jáne shaǵyn qalalarda júzege asyrýda birqatar ózekti másele týyndap otyr.
«Atalǵan qalalarǵa jumys isteýge nemese turýǵa kelgen áleýmettik sala mamandaryna qoldaý kórsetý sharalary júrgizilmeýde. Qazirgi ýaqytta, Qazaqstan Respýblikasy boiynsha 27 monoqalada 1,5 mln adam jáne 42 shaǵyn qalada 1 mln adam turady, onyń ishinde 69 aýdandyq mańyzy bar qalalarda 2,5 mln adam turady», - dedi Bekbolat Orynbekov Senattyń jalpy otyrysynda.
Mundai jaǵdai Jambyl oblysyndaǵy aýdan ortalyǵy bolyp esepteletin Jańatas, Qarataý, Shý qalalarynda oryn alyp otyr. Senator osy qalalarǵa jumysqa ornalasqan jas mamandar (dárigerler) «qala» statýsynyń bolýyna bailanysty barlyq áleýmettik kómekten shettetilýde. Bul jaǵdai jergilikti jerde kadr tapshylyǵynyń odan ári ulǵaiýyna ákelip oytr.
«Shý qalasyna 2017-2018 jyldary kelgen 6 mamannyń 5-ýi biýdjet esebinen beriletin áleýmettik kómekti almaýyna bailanysty jumystan ketken. 2019-2020 jyldary jas mamandar kelgen joq. Shý qalasy boiynsha kadr tapshylyǵy – 29 maman», - dedi Bekbolat Orynbekov.
Senator atalǵan máseleni sheshý úshin Ulttyq ekonomika ministrliginiń buiryǵynda kórsetilgen talaptarǵa ózgerister men tolyqtyrýlar engizý qajet ekenin aitty.
