Foto: sk.kz
Senatta Prezident Qasym-Jomart Toqaevtyń tapsyrmasy boiynsha "Samuryq-Qazyna" qorynyń satyp alýlaryna jańa shekteýler engizýdi kózdeitin zań jobasy qaraldy, - dep habarlaidy Tengrinews.kz portaly.
Senatta "Memleket basshysynyń jekelegen tapsyrmalaryn iske asyrý máseleleri boiynsha keibir zańnamalyq aktilerge ózgerister men tolyqtyrýlar engizý týraly" zań jobasy eki oqylymda qaraldy. Nátijesinde joba túzetýlermen Májiliske qaitaryldy.
Zań jobasynyń bir blogy sybailas jemqorlyq táýekelderin barynsha azaitýǵa jáne básekelestikti damytýǵa qatysty.
"Zań jobasynda mynalar qarastyrylǵan:
- "Samuryq-Qazyna" qorynyń satyp alý erejelerin Básekelestikti qorǵaý jáne damytý agenttigimen kelisý mindettemesi;
- jetkizýshilerdiń satyp alý tásiline qaramastan satyp alýǵa shaǵymdaný quqyǵy;
- qordyń holdingaralyq kooperatsiiasy sheńberinde satyp alý tásilin alyp tastaý.
Sonymen qatar, zań jobasynda qordyń jalǵyz aktsioneri direktorlar keńesiniń quramyn aiqyndaýǵa jáne qor qyzmetine ashyqtyq engizýge baǵyttalǵan túzetýler qarastyrylǵan", - dedi Ulttyq ekonomika ministri Álibek Qýantyrov.
Sondai-aq, ol zań jobasynda bir orynnan alý quqyǵy alyp tastalatynyn aitty:
- memlekettik materialdyq rezervke alynatyn taýarlar;
- jedel-izdestirý qyzmetin júzege asyrýǵa arnalǵan taýarlar men qyzmetter;
- turǵyn úi maqsatyndaǵy emes ǵimarattar, qurylystar, qurylystar, úi-jailar.
