QR Parlamenti Senaty biýrosynyń músheleri osy jyldyń 11 naýryzynda ótetin Palata otyrysynyń kún tártibin bekitti, dep habarlaidy "Ult aqparat".
«Depýtattar batyp ketken kemelerdi joiý týraly Nairobi halyqaralyq konventsiiasyn ratifikatsiialaý máselesin qaraidy. Qujat teńizdegi apattardyń zardaptaryn tiimdi joiýdaǵy biryńǵai erejeler men rásimderdi belgileidi. Otyrystyń kún tártibine Keden odaǵyna múshe memleketterdiń keden qyzmetteriniń Birlesken alqasy týraly shartqa ózgerister engizý týraly hattamany ratifikatsiialaý týraly zań jobasy da engizildi», - delingen Senat baspasóz qyzmetiniń málimetinde.
Senatorlar otyrysta budan buryn parlamentshiler bastamasymen ázirlengen zań jobalaryn da qarastyrady. Olardyń qatarynda «Qazaqstan Respýblikasynyń sot júiesi jáne sýdialarynyń mártebesi týraly» Konstitýtsiialyq zańǵa, Ákimshilik quqyq buzýshylyq týraly kodekske jáne sot júiesin jańǵyrtý máselelerine qatysty basqa da zańnamalyq aktilerge ózgertýler men tolyqtyrýlar engizý týraly zań jobalary bar. Ákimshilik rásimdik-protsestik kodeksiniń 1 shildeden bastap kúshine enýine bailanysty ákimshilik ádileti júiesiniń tolyqqandy jumysynyń qamtamasyz etilýi men memlekettik organdardyń qatysýymen bolatyn sot isterinde azamattardyń kepildikteri men quqyqtaryn ulǵaitý osy jumystardyń nátijesi bolýy tiis.
Biýro músheleri sonymen qatar Májilisten túsken birqatar zań jobalaryn turaqty komissiialarǵa bólip berdi.
