قر پارلامەنتٸ سەناتى بيۋروسىنىڭ مٷشەلەرٸ وسى جىلدىڭ 11 ناۋرىزىندا ٶتەتٸن پالاتا وتىرىسىنىڭ كٷن تەرتٸبٸن بەكٸتتٸ, دەپ حابارلايدى "ۇلت اقپارات".
«دەپۋتاتتار باتىپ كەتكەن كەمەلەردٸ جويۋ تۋرالى نايروبي حالىقارالىق كونۆەنتسيياسىن راتيفيكاتسييالاۋ مەسەلەسٸن قارايدى. قۇجات تەڭٸزدەگٸ اپاتتاردىڭ زارداپتارىن تيٸمدٸ جويۋداعى بٸرىڭعاي ەرەجەلەر مەن رەسٸمدەردٸ بەلگٸلەيدٸ. وتىرىستىڭ كٷن تەرتٸبٸنە كەدەن وداعىنا مٷشە مەملەكەتتەردٸڭ كەدەن قىزمەتتەرٸنٸڭ بٸرلەسكەن القاسى تۋرالى شارتقا ٶزگەرٸستەر ەنگٸزۋ تۋرالى حاتتامانى راتيفيكاتسييالاۋ تۋرالى زاڭ جوباسى دا ەنگٸزٸلدٸ», - دەلٸنگەن سەنات باسپاسٶز قىزمەتٸنٸڭ مەلٸمەتٸندە.
سەناتورلار وتىرىستا بۇدان بۇرىن پارلامەنتشٸلەر باستاماسىمەن ەزٸرلەنگەن زاڭ جوبالارىن دا قاراستىرادى. ولاردىڭ قاتارىندا «قازاقستان رەسپۋبليكاسىنىڭ سوت جٷيەسٸ جەنە سۋديالارىنىڭ مەرتەبەسٸ تۋرالى» كونستيتۋتسييالىق زاڭعا, ەكٸمشٸلٸك قۇقىق بۇزۋشىلىق تۋرالى كودەكسكە جەنە سوت جٷيەسٸن جاڭعىرتۋ مەسەلەلەرٸنە قاتىستى باسقا دا زاڭنامالىق اكتٸلەرگە ٶزگەرتۋلەر مەن تولىقتىرۋلار ەنگٸزۋ تۋرالى زاڭ جوبالارى بار. ەكٸمشٸلٸك رەسٸمدٸك-پروتسەستٸك كودەكسٸنٸڭ 1 شٸلدەدەن باستاپ كٷشٸنە ەنۋٸنە بايلانىستى ەكٸمشٸلٸك ەدٸلەتٸ جٷيەسٸنٸڭ تولىققاندى جۇمىسىنىڭ قامتاماسىز ەتٸلۋٸ مەن مەملەكەتتٸك ورگانداردىڭ قاتىسۋىمەن بولاتىن سوت ٸستەرٸندە ازاماتتاردىڭ كەپٸلدٸكتەرٸ مەن قۇقىقتارىن ۇلعايتۋ وسى جۇمىستاردىڭ نەتيجەسٸ بولۋى تيٸس.
بيۋرو مٷشەلەرٸ سونىمەن قاتار مەجٸلٸستەن تٷسكەن بٸرقاتار زاڭ جوبالارىن تۇراقتى كوميسسييالارعا بٶلٸپ بەردٸ.
