Búgin Senattyń Halyqaralyq qatynastar, qorǵanys jáne qaýipsizdik komitetiniń keńeitilgen otyrysy boldy. Onda depýtattar «Qazaqstan Respýblikasynyń diplomatiialyq qyzmeti týraly «Qazaqstan Respýblikasynyń Zańyna ózgerister men tolyqtyrýlar engizý týraly« zań jobasyn talqylady, dep habarlaidy joǵary palatanyń baspasóz qyzmeti.
Zań jobasy diplomatiialyq qyzmet organdarynyń qyzmetin odan ári jetildirýge, qoldanystaǵy normativtik quqyqtyq aktilerdegi olqylyqtar men kolliziialardy joiýǵa, Almaty qalasyndaǵy Syrtqy ister ministrligi ókildiginiń zańdy mártebesin bekitýge, sondai-aq diplomatiialyq qyzmet personaly men ardagerleriniń áleýmettik qorǵalýyn arttyrýǵa baǵyttalǵan.
Komitet tóraǵasy Muhtar Qul-Muhammedtiń aitýynsha, zań jobasyn talqylaý barysynda Senat depýtattary Májilis maquldaǵan zań jobasyna qosymsha túzetýler engizý usynyp otyr. Máselen, senatorlar diplomatiia salasy qyzmetkerleriniń jeke paidalanýyna arnalǵan zattar men tehnikany jiberý úshin diplomatiialyq poshtany paidalaný múmkindigin boldyrmaý qajet dep sanaidy. Depýtattar sondai-aq quqyqtyq olqylyqtardy retteýdi qamtamasyz etetin birqatar erejelerdi naqtylady.
Qujat Palatanyń qaraýyna jiberildi.
