بٷگٸن سەناتتىڭ حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ كەڭەيتٸلگەن وتىرىسى بولدى. وندا دەپۋتاتتار «قازاقستان رەسپۋبليكاسىنىڭ ديپلوماتييالىق قىزمەتٸ تۋرالى «قازاقستان رەسپۋبليكاسىنىڭ زاڭىنا ٶزگەرٸستەر مەن تولىقتىرۋلار ەنگٸزۋ تۋرالى« زاڭ جوباسىن تالقىلادى, دەپ حابارلايدى جوعارى پالاتانىڭ باسپاسٶز قىزمەتٸ.
زاڭ جوباسى ديپلوماتييالىق قىزمەت ورگاندارىنىڭ قىزمەتٸن ودان ەرٸ جەتٸلدٸرۋگە, قولدانىستاعى نورماتيۆتٸك قۇقىقتىق اكتٸلەردەگٸ ولقىلىقتار مەن كولليزييالاردى جويۋعا, الماتى قالاسىنداعى سىرتقى ٸستەر مينيسترلٸگٸ ٶكٸلدٸگٸنٸڭ زاڭدى مەرتەبەسٸن بەكٸتۋگە, سونداي-اق ديپلوماتييالىق قىزمەت پەرسونالى مەن ارداگەرلەرٸنٸڭ ەلەۋمەتتٸك قورعالۋىن ارتتىرۋعا باعىتتالعان.
كوميتەت تٶراعاسى مۇحتار قۇل-مۇحاممەدتٸڭ ايتۋىنشا, زاڭ جوباسىن تالقىلاۋ بارىسىندا سەنات دەپۋتاتتارى مەجٸلٸس ماقۇلداعان زاڭ جوباسىنا قوسىمشا تٷزەتۋلەر ەنگٸزۋ ۇسىنىپ وتىر. مەسەلەن, سەناتورلار ديپلوماتييا سالاسى قىزمەتكەرلەرٸنٸڭ جەكە پايدالانۋىنا ارنالعان زاتتار مەن تەحنيكانى جٸبەرۋ ٷشٸن ديپلوماتييالىق پوشتانى پايدالانۋ مٷمكٸندٸگٸن بولدىرماۋ قاجەت دەپ سانايدى. دەپۋتاتتار سونداي-اق قۇقىقتىق ولقىلىقتاردى رەتتەۋدٸ قامتاماسىز ەتەتٸن بٸرقاتار ەرەجەلەردٸ ناقتىلادى.
قۇجات پالاتانىڭ قاراۋىنا جٸبەرٸلدٸ.
