QR Parlamenti Senatynyń depýtaty Dýlat Kýstavletov memlekettik basqarmadaǵylarda zańdardyń durys júzege asyrylmaitynyna qatysty premer-ministrge saýalnama joldady, - dep habarlaidy kaz.tengrinews.kz tilshisi.
"Ýákiletti organdardyń tarapynan zańdardyń júzege asyrylýyna qatysty baqylaýdyń durys júrgizilmeýinen, sondai-aq memlekettik organdardaǵy jekelegen basshylardyń aitylǵan syndy durys túsinbeýinen osyndai jaǵdailar týyndap otyr", - dep bastady sózin senator Dýlat Kýstavletov.
Sonymen qatar, senator memlekettik organdardaǵy kóptegen zańbuzýshylyqtarǵa qajetti mán berilmei, eshbir sharalar qoldanylmai jatqanyn aitty.
"Osyǵan olardyń ózderi kináli. Sebebi mundai zań buzýshylyqtar azamattarǵa qalypty jaǵdai bolyp ketti. Al zańdar tek qaǵazda kórsetilgen deklaratsiia siiaqty. Eńbek kodeksinde naqty jumys kestesi bekitilgen jáne eńbek zańnamasyn buzǵan jumys berýshilerdiń qyzmet ýaqytynan tys, mereke kúnderi nemese demalys kúnderi, túngi ýaqytta jumys atqarǵandarǵa óteletin qarajat ta qarastyrylǵan. Osy zań buzýshylyqtar kóptep kezdesip otyr. Al ýákiletti organdaǵylar bul máselege úndemei qarap otyr. Onymen qosa ózderi osy erejelerdi buzady", - dedi senator.
"Bilim jáne ǵylym ministrligindegiler memlekettik qyzmetkerlerdi balalaryna barý úshin jumystan erte bosatý týraly aitqan bolatyn. Sebebi ata-analar únemi jumysta bolatyndyqtan olardyń balalaryn tárbieleýge ýaqyty qalmaidy", - dep atap ótti Dýlat Kýstavletov.
"Byltyr men ishki ister ministrine qoǵamdyq qaýipsizdik pen quqyqtyq tártip máselesine qatysty depýtattyq saýalnama jibergen bolatynmyn. Sodan IIM ókilderiniń bergen jaýabynan men tek statistikalyq málimetterdi kóre aldym. Biraq men oǵan dálelder kórsetilgen derekterdi keltire otyryp, naqty saýaldar qoiǵan edim", - dedi senator.
Onyń aitýynsha, IIM ókilderi bergen jaýaptan keiin depýtat kórsetken dálelderin ne rastai almaǵan ne teriske shyǵara almaǵan.
Osylaisha senator QR premer-ministri Baqytjan Saǵyntaevtan osy máseleni sheshýdi surady.
"Premer-ministrdiń keńse bólimdegileri ýákiletti organ ókilderimen birige otyryp, ortalyq jáne jergilikti atqarýshy organdardyń jaýapkershiligin arttyrýǵa baǵyttalǵan normativtik-quqyqtyq aktilerdi baqylasyn. Ekonomika, zań, ishki ister organdary, aýyl sharýashylyǵy ministrligindegiler osyǵan deiin kelgen saýalnamalardy qaita qarap, qajetti jaýaptar men materialdardy daiyndasyn", - dep qorytyndylady sózin senator.
Aita keteiik, osyǵan deiin BǴM ministri memlekettik qyzmetkerlerdi balalaryna barý úshin jumystan erterek jiberýdi usynǵan bolatyn. Keiinirek Tamara Dúisenova da ata-analardy balalaryna jumystan erte bosatý týraly usynysqa qatysty pikir bildirdi. "Jalpy Eńbek kodeksinde júkti áielderge, úsh jasqa deiingi balalary bar analarǵa jeńildikter bar, olar kelisimshartqa bailanysty túski úziliste uzaǵyraq ýaqyt ala alady. Sebebi olar balasyn tamaqtandyrýy tiis. (...) Eńbek kodeksinde barlyǵy jazylǵan, barlyǵy sol mindetterdi oryndaýy tiis. 8 saǵattyq jumys kúni barlyq jaqta jazylǵan ǵoi", - dedi ministr.
.jpeg)