video kadry
Senator Álibek Náýtiev Úkimet basshysyna depýtattyq saýal joldap, Atyraý oblysynyń birqatar máselesin sheshýdi talap etti. Sonyń ishinde Reseimen aradaǵy saýda-sattyq da bar, dep habarlaidy Sputnik Qazaqstan.
Qazaqstan aýal sharýashylyǵy ónimderi boiynsha áli kúnge deiin importqa táýeldi bolyp otyr. Al Eýraziialyq ekonomikalyq odaqta otandyq ónimderdiń úlesi nebári 5,7 paiyzdy quraidy. Bul rette, elimizge kórshiles elderden azyq-túlik kóptep tasymaldanady.
"Alaida olardan kelip, shekaradan tekserilip ótken ónim esh kedergisiz saýdaǵa shyǵarylady. Máselen, bizdiń sharýalarda Reseige óz ónimderin shyǵarýǵa múmkindikteri bar. Degenmen bizden olarǵa shyǵarylǵan ónim ózimizdiń zertahanamyzdan jáne shekaradan tekseriledi. Odan keiin taǵy 15-20 kúndei sol eldiń zerthanasynda tekseriledi. Bul óz halqynyń densaýlyǵyn saqtaý úshin qoldanylyp otyrǵan shara ekeni belgili", - dedi Náýtiev Senattyń búgingi otyrysynda.
Osy oraida senator kórshiles elderden keletin taýarlardy da óz jerimizde tekserýdi talap etti.
"Olardan ótken tekserýge ǵana negizdemei, qazaqstandyq zerthanadan halyq densaýlyǵyna ziiandy áserin tekserý qajet dep esepteimiz. Sebebi sarapshylardyń pikirinshe, Reseidiń aýyl sharýashylyǵy ónimderinde ártúrli biohimiialyq qospalar kóptep paidalanatyny týraly faktiler bar. Bul qospalardyń onkologiialyq aýrýlardy týǵyzý qaýpi óte joǵary", - dep atap kórsetti joǵary palata depýtaty.
