Foto: Aqorda
Senator Áli Bektaev Memleket basshysy Q.K. Toqaevtyń biylǵy joldaýy el kútip otyrǵan kóptegen mańyzdy máselelerdi qamtyǵanyn atap ótti. Ol joldaýdyń mazmunyn «Estýshi memlekettiń» naǵyz kórinisi dei kele, birneshe máselelerge toqtaldy:
1. Bankter týraly jańa zań qabyldaý jóninde.
Ashyǵyn aitý kerek, búgingi tańda eldegi bankter júiesiniń ekonomikaǵa jasap jatqan qyzmeti tómen. Olardyń ishki tirligine eshkim de aralasa almaidy. Aralasqymyz da joq. Ókinishtisi – bankterdiń ekonomika salasyndaǵy kásiporyndar men kásipkerlerdi naqty jobalar boiynsha qarjylandyrmaýy. Múmkin bar shyǵar – sanaýly jobalar, tańdaýly kásipkerler. Meniń biletinim – orta jáne shaǵyn kásipkerlerdiń olardan qarjy alýynyń qiyndyǵy, paiyzdyq kóleminiń joǵarylyǵy, qaǵazbastylyqtyń kóptigi.
Biraq, bankterdiń barlyǵynyń da qarjylyq jaǵdaiy myqty, top-menedjerleriniń jalaqasy joǵary, trilliondaǵan qarjy qozǵalyssyz esepshottarynda jatyr. Sondyqtan da Prezidenttiń bul saladaǵy salyq mólsherin ádil belgileý, bankterdiń aktsionerleriniń dividendterine sáikes salyq tóleýi kerek ekendigi týraly aitqany óte oryndy. Qabyldanatyn zańda osy jáne basqa da máseleler naqtylanýy kerek qoi dep oilaimyn.
2. Shaǵyn jáne orta biznesti qoldaý jóninde.
Prezident orta biznestiń el enokomikasyndaǵy úlesin 2029 jylǵa qarai 15 paiyzǵa jetkizý týraly Úkimetke tapsyrma berdi. Qazir bul kórsetkish – 7 paiyz ǵana. Damyǵan memleketterde shaǵyn jáne orta biznestiń úlesi 60-70%-ǵa deiin jetedi. Iaǵni halyqtyń basym bóligi óz kásibimen ainalasady, ózin-ózi qamtamasyz etedi degen sóz. Prezidenttiń aitqan turǵyndardyń orta býyn sanatyn qalyptastyrý kerek degeni osy. Eger turǵyndardyń jartysynan astamynda óz baspanasy, avtokóligi, balalaryn oqytýǵa múmkindigi, ózine jeterlik tabysy bolsa ekonomikanyń damyǵandyǵynyń negizgi kórsetkishi de sol bolmaq.
3. Agroónerkásip keshenin damytý boiynsha aitylǵan naqty máseleler týraly.
- Agroónerkásip keshenin tikelei sýbsidiialaý tásilinen arzan nesie berý tásiline birtindep kóshý. Sharýalardyń birazdan beri aityp júrgeni de osy, uzaq merzimge, arzan paiyzben nesie berilse – jaýapkershilik te artady, memlekettiń qarjysy da shyǵyn bolmaidy.
- Aýylsharýashylyǵyndaǵy statistikany shynaiylandarý osy salany damytýdyń shynaiy negizin qalaidy dep oilaimyn. Memlekettik qoldaýdyń kóbeigenimen, naqty kórsetkishterdiń jaqsarmaýynyń sebebi de osynda jatyr.
- Aýyl turǵyndaryna óz ónimderin óndirýge, óńdeýge jáne satýǵa múmkindik beretin infraqurylym qurý – aýylsharýashylyǵy ónimderi kóleminiń artýyna, baǵanyń tómendeýine oń áser etetini daýsyz. Aýyl azamattarynyń, jaqsy qoldaý bolsa, esiginiń aldyndaǵy sharýashylyqpen ózin de, ózgeni de kókónispen, baý-baqsha ónimderimen, et, irimshik, sút–maimen qamtamasyz etetin múmkindigi tolyq bar. Tek olardy satyp alý, saqtaý, naryqqa shyǵarý infraqurylymyn jasaý kerek.
Prezidentimiz Q.K. Toqaevtyń biylǵy joldaýynda, qarjy-nesie, salyq saiasatyna, indýstriiany damytýǵa, infraqurylymdy, kadrlyq áleýetti arttyrýǵa, ekologiia, meditsina, bilim, sport salalaryna qatysty kóptegen mańyzdy tapsyrmalar berilip, naqty maqsattar belgilendi. Solardyń zańnamalyq negizderin qalyptastyrý boiynsha zor jaýapkershilikti QR Parlamentiniń depýtattary da tolyq sezinedi dep aita alamyn.
