«Táýelsizdik urpaqtary» atty respýblikalyq jastar forýmynda QR Palamenti Senatynyń tóraǵasy Máýlen Áshimbaev Elbasy usynǵan «Eldiktiń jeti tuǵyry» atty tujyrymdamanyń mańyzyna toqtaldy, dep habarlaidy QazAqparat.
«Kúni keshe Elbasymyz Nur Otan partiiasy saiasi keńesiniń otyrysynda táýelsizdigimizdi nyǵaitýdyń mańyzdy mindetterin atap, «Eldiktiń jeti tuǵyry» atty tujyrymdamany jariialady. Táýelsizdikti, birlikti, ata-babadan miras bolǵan jerdi, otbasylyq qundylyqtar men salt-dástúrdi, ulttyq mádenietti saqtaýdyń mańyzyna toqtaldy. Sondai-aq Elbasymyz bilim men pragmatizmniń eldiń ósip-órkendeýindegi mańyzdy basymdyqtar ekenin aitty. Jastarymyz osy «Jeti tuǵyrdy» tereń túsinip, olardy tý etip, elge qyzmet etýi kerek», - dedi Máýlen Áshimbaev.
Sondai-aq ol ýaqyt ótken saiyn álem kúrdelenip kele jatqanyn eske saldy.
«Jańa syn-qaterler paida bolyp jatyr. Munyń bári bizdiń elimizge de óz áserin tigizeri sózsiz. Osyndai jaǵdaida táýelsizdigimizdi nyǵaitý, egemendigimizdi baiandy etý, Elbasymyz aitqandai, óskeleń urpaqtyń eń basty mindeti bolýy kerek. Bizdiń jastarymyz otanshyl, patriot azamattar. Sonymen birge óz isiniń naǵyz sheberi, bilikti áksibi maman bolý da asa mańyzdy», - dedi Senat tóraǵasy.
