«تەۋەلسٸزدٸك ۇرپاقتارى» اتتى رەسپۋبليكالىق جاستار فورۋمىندا قر پالامەنتٸ سەناتىنىڭ تٶراعاسى مەۋلەن ەشٸمباەۆ ەلباسى ۇسىنعان «ەلدٸكتٸڭ جەتٸ تۇعىرى» اتتى تۇجىرىمدامانىڭ ماڭىزىنا توقتالدى, دەپ حابارلايدى قازاقپارات.
«كٷنٸ كەشە ەلباسىمىز Nur Otan پارتيياسى ساياسي كەڭەسٸنٸڭ وتىرىسىندا تەۋەلسٸزدٸگٸمٸزدٸ نىعايتۋدىڭ ماڭىزدى مٸندەتتەرٸن اتاپ, «ەلدٸكتٸڭ جەتٸ تۇعىرى» اتتى تۇجىرىمدامانى جارييالادى. تەۋەلسٸزدٸكتٸ, بٸرلٸكتٸ, اتا-بابادان ميراس بولعان جەردٸ, وتباسىلىق قۇندىلىقتار مەن سالت-دەستٷردٸ, ۇلتتىق مەدەنيەتتٸ ساقتاۋدىڭ ماڭىزىنا توقتالدى. سونداي-اق ەلباسىمىز بٸلٸم مەن پراگماتيزمنٸڭ ەلدٸڭ ٶسٸپ-ٶركەندەۋٸندەگٸ ماڭىزدى باسىمدىقتار ەكەنٸن ايتتى. جاستارىمىز وسى «جەتٸ تۇعىردى» تەرەڭ تٷسٸنٸپ, ولاردى تۋ ەتٸپ, ەلگە قىزمەت ەتۋٸ كەرەك», - دەدٸ مەۋلەن ەشٸمباەۆ.
سونداي-اق ول ۋاقىت ٶتكەن سايىن ەلەم كٷردەلەنٸپ كەلە جاتقانىن ەسكە سالدى.
«جاڭا سىن-قاتەرلەر پايدا بولىپ جاتىر. مۇنىڭ بەرٸ بٸزدٸڭ ەلٸمٸزگە دە ٶز ەسەرٸن تيگٸزەرٸ سٶزسٸز. وسىنداي جاعدايدا تەۋەلسٸزدٸگٸمٸزدٸ نىعايتۋ, ەگەمەندٸگٸمٸزدٸ باياندى ەتۋ, ەلباسىمىز ايتقانداي, ٶسكەلەڭ ۇرپاقتىڭ ەڭ باستى مٸندەتٸ بولۋى كەرەك. بٸزدٸڭ جاستارىمىز وتانشىل, پاتريوت ازاماتتار. سونىمەن بٸرگە ٶز ٸسٸنٸڭ ناعىز شەبەرٸ, بٸلٸكتٸ ەكسٸبي مامان بولۋ دا اسا ماڭىزدى», - دەدٸ سەنات تٶراعاسى.
