QR Ortalyq sailaý komissiiasy Parlament Senatynyń depýtattaryn sailaýǵa arnalǵan sailaý biýlletenderin ázirleý týraly qaýly qabyldady, dep habarlaidy QazAqparat.
«Sailaý biýlleteniniń formasy Ortalyq sailaý komissiiasynyń 2016 jylǵy 26 sáýirdegi №33/129 qaýlysymen engizilgen ózgeristerimen Ortsailaýkomnyń 2014 jylǵy 6 maýsymdaǵy №10/233 qaýlysymen bekitilgen. «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq Zańynyń 37-babynyń 2-tarmaǵyna sáikes, sailaý biýlletenderi sailaý okrýgindegi sailaýshylardyń jalpy sanynyń 1 paiyzy rezervimen sailaý okrýgindegi sailaýshylar sanyna teń mólsherde daiyndalady», - dedi QR OSK hatshysy Sabila Mustafina QR Ortalyq sailaý komissiiasynyń otyrysynda.
Osyǵan bailanysty «2020 jyly 12 tamyzǵa taǵaiyndalǵan Qazaqstan Respýblikasy Parlamenti Senaty depýtattarynyń sailaýyna sailaý biýlletenderin daiyndaý týraly» qaýly qabyldandy. Qaýlyǵa sáikes oblystyq, Nur-Sultan, Almaty jáne Shymkent qalalarynyń sailaý komissiialaryna tiisti ákimshilik-aýmaqtyq birliktiń sailaýshylar sanyna sáikes sailaý biýlletenderin daiyndaý tapsyryldy.
