Senat Salyq kodeksine mikro jáne shaǵyn biznes úshin tólemderdi biriktirýdi, Konstitýtsiialyq sotqa júgingen kezde memlekettik baj salyǵyn engizýdi jáne taýarlardyń keibir túrlerine QQS tómendetýdi kózdeitin túzetýlerdi maquldady, - dep habarlaidy Tengrinews.kz saity.
"Memleket basshysy shaǵyn biznes úshin eńbekaqy tóleý qorynan jiyntyq júktemeni azaita otyryp, biryńǵai tólem engizýdi tapsyrdy. Qazirgi ýaqytta jalaqy qorynan ártúrli mólsherlemelermen, esepteý bazalarymen birneshe tólemder tólenedi. Bul tólemderdi bir tólemge biriktirý usynylady. Jeke tabys salyǵy esebinen júktemeni azaitý kózdelip otyr, óitkeni áleýmettik tólemderdiń mólsheri qyzmetkerlerdiń bolashaq tólemderine áser etedi", - dedi Senat otyrysynda Ulttyq ekonomika ministri Álibek Qýantyrov.
Biryńǵai mólsherleme mindetti zeinetaqy jarnalaryn engizýdi jáne áleýmettik aýdarymdar stavkalarynyń ósýin eskeretin bolady.
Túzetýlerdiń ekinshi blogy salalyq zańnamadaǵy ózgeristerge bailanysty. Konstitýtsiialyq Sotqa júgingen kezde memlekettik baj belgileý jáne halyqtyń áleýmettik osal toptaryn bosatý usynyldy.
Jer qoinaýyn paidalaný salasynda 2024 jyldan bastap memlekettik teńgerimdi júrgizý joiylady. Qorlar jańa júie boiynsha baǵalanady.
Túzetýlerdiń úshinshi blogy otandyq taýar óndirýshilerdi yntalandyrýǵa baǵyttalǵan.
"Balyq aýlaý kásiporyndary balyqty óńdeý kezinde QQS-ty 70 paiyzǵa tómendetý boiynsha norma usynylady. Qazir mundai jeńildikti balyq ósiretin sharýashylyqtar qoldanady.
Qant óndirisin yntalandyrý úshin qamys shikizaty qantynyń importyn QQS-tan bosatý, sondai-aq qant óndirýshilerge QQS jeńildikteriniń qoldanylý merzimin uzartý usynylady.
Kelesi norma tazartylǵan altyndy satýǵa qatysty. Qazir Ulttyq bankke osyndai Altyndy satý QQS-tan bosatylady", - dedi Qýantyrov.
Sondai-aq, elektr jelilerin irilendirý máselesi sheshilip jatyr. Energiia berýshi uiymnyń elektr jelilerin óteýsiz alýy kezinde salyq mindettemeleriniń týyndaýyn boldyrmaý usynyldy.
Zań Prezidentke qol qoiýǵa jiberiledi.
