Senat depýtattary Respýblika kúnin qaitarý týraly zańdy qabyldady, dep habarlaidy Sputnik Qazaqstan.
"Qazaqstan Respýblikasynyń keibir zańnamalyq aktilerine kinematografiia jáne mádeniet máseleleri boiynsha ózgerister men tolyqtyrýlar engizý týraly" zań jobasy aiasynda memlekettik merekeler tizimine ózgeris engiziledi. Oǵan sáikes, 25 qazan resmi túrde ulttyq mereke – Respýblika kúni bolyp belgilenedi.
1 jeltoqsan – Tuńǵysh Prezident kúnin memlekettik merekeler qatarynan alyp tastaý usynyldy. Bul kún Memlekettik rámizder kúni, Alǵys aitý kúni jáne qoǵamdyq mańyzy bar ózge kúnder sekildi atalyp ótedi. Sáikesinshe, qazaqstandyqtar 1 jeltoqsanda demalmaidy.
Al 28 qazanda resmi túrde demalys bolady. Respýblika boiynsha merekelik sharalar uiymdastyrylady. Al 16 jeltoqsan eske alý kúnine ainalady.
Aita keteri, 2009 jyly burynǵy Prezident Nursultan Nazarbaevtyń bastamasymen 25 qazan – Respýblika kúni resmi merekeler tiziminen shyǵarylǵan bolatyn. Al Memleket basshysy Qasym-Jomart Toqaev 2022 jyly 16 maýsymda Ulttyq quryltaidyń otyrysynda burynǵy merekeni qaitarý qajettigin málimdedi. Sebebi dál sol kúni 1990 jyly Qazaqstannyń egemendigi týraly deklaratsiia qabyldandy.
Respýblika kúnin qaitarý týraly zańǵa Prezident qol qoiýy kerek. Osydan keiin qujat zańdy kúshine enedi.
