سەنات دەپۋتاتتارى رەسپۋبليكا كٷنٸن قايتارۋ تۋرالى زاڭدى قابىلدادى, دەپ حابارلايدى Sputnik قازاقستان.
"قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كينەماتوگرافييا جەنە مەدەنيەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسى اياسىندا مەملەكەتتٸك مەرەكەلەر تٸزٸمٸنە ٶزگەرٸس ەنگٸزٸلەدٸ. وعان سەيكەس, 25 قازان رەسمي تٷردە ۇلتتىق مەرەكە – رەسپۋبليكا كٷنٸ بولىپ بەلگٸلەنەدٸ.
1 جەلتوقسان – تۇڭعىش پرەزيدەنت كٷنٸن مەملەكەتتٸك مەرەكەلەر قاتارىنان الىپ تاستاۋ ۇسىنىلدى. بۇل كٷن مەملەكەتتٸك رەمٸزدەر كٷنٸ, العىس ايتۋ كٷنٸ جەنە قوعامدىق ماڭىزى بار ٶزگە كٷندەر سەكٸلدٸ اتالىپ ٶتەدٸ. سەيكەسٸنشە, قازاقستاندىقتار 1 جەلتوقساندا دەمالمايدى.
ال 28 قازاندا رەسمي تٷردە دەمالىس بولادى. رەسپۋبليكا بويىنشا مەرەكەلٸك شارالار ۇيىمداستىرىلادى. ال 16 جەلتوقسان ەسكە الۋ كٷنٸنە اينالادى.
ايتا كەتەرٸ, 2009 جىلى بۇرىنعى پرەزيدەنت نۇرسۇلتان نازارباەۆتىڭ باستاماسىمەن 25 قازان – رەسپۋبليكا كٷنٸ رەسمي مەرەكەلەر تٸزٸمٸنەن شىعارىلعان بولاتىن. ال مەملەكەت باسشىسى قاسىم-جومارت توقاەۆ 2022 جىلى 16 ماۋسىمدا ۇلتتىق قۇرىلتايدىڭ وتىرىسىندا بۇرىنعى مەرەكەنٸ قايتارۋ قاجەتتٸگٸن مەلٸمدەدٸ. سەبەبٸ دەل سول كٷنٸ 1990 جىلى قازاقستاننىڭ ەگەمەندٸگٸ تۋرالى دەكلاراتسييا قابىلداندى.
رەسپۋبليكا كٷنٸن قايتارۋ تۋرالى زاڭعا پرەزيدەنت قول قويۋى كەرەك. وسىدان كەيٸن قۇجات زاڭدى كٷشٸنە ەنەدٸ.
