Senatta Halyqaralyq qatynastar, qorǵanys jáne qaýipsizdikkomitetiniń keńeitilgen otyrysy boldy, onda depýtattar «Qazaqstan Respýblikasynyń keibir zańnamalyq aktilerine Qazaqstan Respýblikasynyń Memlekettik shekarasyn kúzetý jáne ulttyq qaýipsizdik máseleleri boiynsha ózgerister men tolyqtyrýlar engizý týraly» zań jobasyn talqylady. Bul týraly "Ult aqparat" joǵary palatanyń baspasóz qyzmetine silteme jasap habarlaidy.
Komitet tóraǵasy Muhtar Qul-Muhammed zań jobasynyń negizgi mindetimemlekettik shekarany qorǵaýdyń qoldanystaǵy júiesiniń tiimdiligi menulttyq qaýipsizdik organdarynyń fýnktsionaldyq múmkindikterin arttyrý ekenin aitty.
Parlament depýtattarynyń bastamasymen ázirlengen zań jobasy boiynsha senator Nurjan Nursipatov áriptesteriniń atynan baiandama jasady. Ol bir kodekske jáne jiyrma bes zańǵa túzetýler engizý usynylyp otyrǵanyn aitty.
«Shekara qyzmetiniń áskeri basqarý organdarynyń qurylymy túbegeili jańartyldy. Eger buryn áskeri sipaty basym bolsa, endi ony aýmaqtyq ulttyq qaýipsizdik organdarymen tyǵyz kiriktirý kózdelip otyr», - dep atap ótti senator Nurjan Nursipatov.
Senat depýtaty Sergei Ershov qosymsha baiandama jasady. Onyń pikirinshe, zań jobasyn qabyldaý ulttyq qaýipsizdik organdarynyń basqarý qyzmetin ońtailandyrýǵa, sondai-aq infraqurylymdy damytý men arnaiy tehnikalyq quraldardy paidalaný arqyly memlekettik shekarany qorǵaý jáne kúzetý júiesin jetildirýge múmkindik beredi.
Depýtattar zań jobasyn biraýyzdan qoldap, ony Palatanyń qaraýyna engizýdi usyndy.
Sondai-aq senatorlar UQK tóraǵasynyń orynbasary Darhan Dilmanovpen jáne indýstriia jáne infraqurylymdyq damý ministriniń orynbasary Berik Kamalievpen shekaralyq ótkizý pýnktterin damytý men jańǵyrtý máselelerin talqylady.
Senatorlarǵa jalpy shekarada 51 avtomobil ótkizý beketi bar ekeni, Qazaqstan-Resei memlekettik shekarasynda ornalasqan olardyń 27-si qaita jańartýdy talap etetini aityldy. Bul beketterdi 2025 jylǵa deiin 5 kezeńde jańǵyrtý usynylyp otyr.
Senatorlar salalyq memlekettik organdardyń ókilderine qashan kólik keptelisiniń azaiatyny, tranzit áleýetiniń ulǵaiatyny jáne shekarada qolaily jaǵdailar jasalatyny týraly qazaqstandyqtardy tolǵandyryp otyrǵan suraqtardy qoidy.
Otyrys qorytyndysy boiynsha Senat depýtattary shekara zastavalarynyń materialdyq-tehnikalyq bóligin jaqsartý jóninde usynymdar toptamasyn ázirledi. Osy usynystardyń barlyǵy salalyq memlekettik organdar men ulttyq qaýipsizdik organyna jiberiletin bolady.
