© Sputnik / Vladislav Vodnev
Senat Konstitýtsiialyq sot týraly zańdy qabyldady, dep habarlaidy Sputnik Qazaqstan.
Zań aiasynda Konstitýtsiialyq keńes Konstitýtsiialyq sot bolyp qurylady. Ol elimizdiń barlyq aýmaǵynda Konstitýtsiianyń ústemdigin qamtamasyz etetin organ bolady. Ol úshin sotqa birqatar quziret beriledi. Olar:
- sailaý ótkizýdiń durystyǵy máselelerin qaraý;
- parlament qabyldaǵan zańdar men halyqaralyq sharttardy olardyń Konstitýtsiiaǵa sáikestigine qaraý;
- Konstitýtsiia normalaryna resmi túsinikteme berý;
- azamattardyń ótinishteri boiynsha olardyń quqyqtary men bostandyǵyn tikelei qozǵaityn normativtik quqyqtyq aktilerdiń Konstitýtsiiaǵa sáikestigin qaraý.
Konstitýtsiialyq sotqa bas prokýror men adam quqyqtary jónindegi ýákil de júgine alady. Ótinishterdi qaraý tártibi bes kezeńnen turady:
1. Konstitýtsiialyq sot apparatynyń joldanymdardy aldyn ala qaraýy
2. Konstitýtsiialyq is júrgizýge joldanymdy qabyldaý
3. Konstitýtsiialyq sottyń otyrysynda joldanymdy qaraý úshin materialdar daiyndaý
4. Joldanymdy qaraý boiynsha otyrys ótkizý
5. Túpkilikti sheshim qabyldaý.
