Búgin QR Parlamenti Senatynyń jalpy otyrysynda «Halyq densaýlyǵy jáne densaýlyq saqtaý júiesi týraly» kodeks jobasy men ilespe zań jobasy talqylandy, dep habarlaidy QazAqparat.
Talqylaý barysynda senatorlar tarapynan usynylǵan ózgerister men tolyqtyrýlar eskerile otyryp, qujat Májiliske qaitaryldy.
Osy oraida Senat tóraǵasy Máýlen Áshimbaev qaralǵan kodeks pen ilespe zań jobasy otandyq densaýlyq saqtaý salasyn damytýǵa jańa serpin beretinin atap ótti.
«Kodeks jobasy Senattyń barlyq komitetterinde jan-jaqty ári muqiiat pysyqtaldy. Qoǵamda talqylanyp jatqan ózekti máseleler qaralyp, utymdy pikirler aityldy. Soǵan sáikes, Senat «Halyq densaýlyǵy jáne densaýlyq saqtaý júiesi týraly» kodeks jobasyna jáne ilespe jobaǵa birqatar mańyzdy túzetýler engizdi. Olar, eń aldymen, Memleket basshysynyń Ulttyq qoǵamdyq senim keńesiniń úshinshi otyrysynda bergen densaýlyq saqtaý salasyna qatysty tapsyrmalaryn iske asyrýǵa baǵyttalǵan. Atalǵan kodeks jobasy ult densaýlyǵyn nyǵaitýmen qatar, meditsina qyzmetkerleriniń quqyǵyn qorǵaý siiaqty birqatar mańyzdy basymdyqtardy qamtidy. Aldaǵy ýaqytta bul qujat otandyq meditsinanyń órkendeýine óz úlesin qosady dep senemiz», – dedi Máýlen Áshimbaev.
