بٷگٸن قر پارلامەنتٸ سەناتىنىڭ جالپى وتىرىسىندا «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكس جوباسى مەن ٸلەسپە زاڭ جوباسى تالقىلاندى, دەپ حابارلايدى قازاقپارات.
تالقىلاۋ بارىسىندا سەناتورلار تاراپىنان ۇسىنىلعان ٶزگەرٸستەر مەن تولىقتىرۋلار ەسكەرٸلە وتىرىپ, قۇجات مەجٸلٸسكە قايتارىلدى.
وسى ورايدا سەنات تٶراعاسى مەۋلەن ەشٸمباەۆ قارالعان كودەكس پەن ٸلەسپە زاڭ جوباسى وتاندىق دەنساۋلىق ساقتاۋ سالاسىن دامىتۋعا جاڭا سەرپٸن بەرەتٸنٸن اتاپ ٶتتٸ.
«كودەكس جوباسى سەناتتىڭ بارلىق كوميتەتتەرٸندە جان-جاقتى ەرٸ مۇقييات پىسىقتالدى. قوعامدا تالقىلانىپ جاتقان ٶزەكتٸ مەسەلەلەر قارالىپ, ۇتىمدى پٸكٸرلەر ايتىلدى. سوعان سەيكەس, سەنات «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكس جوباسىنا جەنە ٸلەسپە جوباعا بٸرقاتار ماڭىزدى تٷزەتۋلەر ەنگٸزدٸ. ولار, ەڭ الدىمەن, مەملەكەت باسشىسىنىڭ ۇلتتىق قوعامدىق سەنٸم كەڭەسٸنٸڭ ٷشٸنشٸ وتىرىسىندا بەرگەن دەنساۋلىق ساقتاۋ سالاسىنا قاتىستى تاپسىرمالارىن ٸسكە اسىرۋعا باعىتتالعان. اتالعان كودەكس جوباسى ۇلت دەنساۋلىعىن نىعايتۋمەن قاتار, مەديتسينا قىزمەتكەرلەرٸنٸڭ قۇقىعىن قورعاۋ سيياقتى بٸرقاتار ماڭىزدى باسىمدىقتاردى قامتيدى. الداعى ۋاقىتتا بۇل قۇجات وتاندىق مەديتسينانىڭ ٶركەندەۋٸنە ٶز ٷلەسٸن قوسادى دەپ سەنەمٸز», – دەدٸ مەۋلەن ەشٸمباەۆ.
