استانادا فەلدشەر ۇلدانا مىرزۋاننىڭ قازاسىنا قاتىستى سوت پروتسەسٸ جالعاسىپ جاتىر. بٷگٸن جارىسسٶز الدىندا سوت پروتسەسكە قاتىسۋشىلاردىڭ ٶتٸنٸشتەرٸن قارادى, دەپ حابارلايدى ult.kz.
سۋديا مەرۋەرت اباەۆا مارقۇمنىڭ كٷيەۋٸ ەدٸلەت زەينەلدٸڭ بۇعان دەيٸن ٶزٸن جەبٸرلەنۋشٸ مەرتەبەسٸنەن الىپ تاستاۋ تۋرالى ٶتٸنٸش بەرگەنٸن ەسكە سالدى.
— وسى قىلمىستىق ٸس بويىنشا جەبٸرلەنۋشٸ مەرتەبەسٸندە قالاسىز با, بۇرىنعى ٶتٸنٸشٸڭٸزدەن باس تارتاسىز با? — دەپ سۇرادى سۋديا.
زەينەل بۇرىنعى ٶتٸنٸشٸنەن باس تارتاتىنىن جەنە سوتتا جەبٸرلەنۋشٸ مەرتەبەسٸندە قالاتىنىن راستادى.
بۇعان دەيٸن ونىڭ ادۆوكاتى مۇرات مەۋمەتوۆ زەينەلدٸڭ ۇلدانانىڭ اناسىنىڭ پايداسىنا جەبٸرلەنۋشٸ مەرتەبەسٸنەن باس تارتۋعا نيەتتٸ ەكەنٸن ايتقان ەدٸ.
ۇلدانا مىرزۋاننىڭ قازاسىنا قاتىستى سوت 18 تامىزدا باستالعان. ٸس بويىنشا ايىپتالۋشى — قايعىلى وقيعا بولعان ٷيدٸڭ ميب تٶراعاسى سەۋلە جۇبانييازوۆا. ول ٶزٸن كٸنەلٸ دەپ سانامايتىنىن مەلٸمدەدٸ.
2025 جىلعى 8 قاراشادا استاناداعى تەۋەلسٸزدٸك داڭعىلى, 24 ب مەكەنجايىنداعى توعىز قاباتتى ٷيدٸڭ قاسبەتٸنەن كٸرپٸش قاپتاما قۇلاپ, بەس ادام زارداپ شەككەن. ولاردىڭ اراسىندا زارداپ شەككەندەرگە كٶمەك كٶرسەتۋگە كەلگەن 23 جاستاعى فەلدشەر ۇلدانا مىرزۋان دا بولدى. ول اۋىر جاراقات الىپ, 18 قاراشادا اۋرۋحانادا كٶز جۇمدى.
سوت بارىسىندا كۋەگەرلەر, ٷي تۇرعىندارى مەن قۇرىلىس سالاسىنىڭ ماماندارى جاۋاپ بەردٸ. ساراپتامادا قاسبەتتە اقاۋ بەلگٸلەرٸ قاپتاما قۇلاعانعا دەيٸن پايدا بولعانى ايتىلدى.
ٸس قىلمىستىق كودەكستٸڭ 254-بابى («مٸندەتتەرٸنە ادال قاراماۋ») بويىنشا قارالىپ جاتىر.
