QR Parlamenti Senaty «Qazaqstan Respýblikasynyń Úkimeti men Belarýs Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly» Qazaqstan Respýblikasy Zańyn qabyldady, dep habarlaidy QazAqparat.
«Sizderdiń nazarlaryńyzǵa «Qazaqstan men Belarýs Úkimetiniń kóshi-qon boiynsha yntymaqtastyq týraly kelisimdi ratifikatsiialaý týraly» zań jobasy usynylady. Kelisimge 2019 jyly 25 qazanda Nur-Sultan qalasynda qol qoiyldy. Bul qujat – azamattyq týraly aqparat almasýǵa, zańsyz kóshi-qonmen kúresýge múmkindik beredi. Naqty aitsaq, birinshiden,
statistika men aqparat almasýǵa múmkindik beredi. Ekinshiden, azamattar týraly jeke aqparat alýǵa bolady. Úshinshiden, eki el Úkimetteri tájiribe almasyp, bir-birine praktikalyq kómek kórsetedi. Tórtinshiden, Qazaqstan men Belarýs zamattarynyń quqyqtyq mártebesi anyqtalady. Besinshiden, kóshi-qon salasyndaǵy qylmystarmen kúresip, zańsyz kanaldardy joiýǵa bolady», - dedi zań jobasy boiynsha baiandama jasaǵan QR Ishki ister ministri Erlan Turǵymbaev
Onyń atap ótýinshe, Belarýs Parlamenti kelisimdi 2020 jylǵy 18 mamyrda rásimdegen.
«Búgingi tańda Ishki ister ministrligi kóshi-qon boiynsha 23 halyqaralyq kelisimdi bekitti. Halyqaralyq deńgeide taǵy 9 kelisim daiyndalýda. Osy kelisimderdiń nátijesinde aqparat almasý jaqsarady; adamdardy basqa elderge qaitarý máselesi sheshiledi; sheteldikterdiń Qazaqstanda bolý merzimi anyqtalady. Qos azamattyqqa jol berilmeidi. Osy zań – azamattyq týraly aqparat almasýǵa, zańsyz kóshi-qondy retteýge, qos azamattyqpen kúresýge baǵyttalǵan. Áleýmettik-ekonomikalyq, jáne quqyqtyq teris saldarǵa ákep soqpaidy, jáne qosymsha qarajat talap etpeidi», - dedi Erlan Turǵymbaev.
