Senat depýtatynyń 1 mandatyna 5 úmitkerden keledi. Bul týraly QR Ortalyq sailaý komissiiasynyń tóraǵasy Berik Imashev aitty, dep habarlaidy QazAqparat.
Onyń atap ótýinshe, Parlamenttiń joǵary palatasyna ortasha eseppen 5 adam bir orynǵa úmitker bolyp otyr.
«Biylǵy jyly úmitkerlerdiń eń kóp sany Almaty oblysynda – 9, Nur-Sultan qalasynda – 8, Almaty qalasynda - 7 adamnan usynyldy. Eń azy – 4 úmitkerden Shyǵys Qazaqstan, Qostanai oblystarynda jáne Shymkent qalasynda usynylyp otyr. Usyný tártibine keler bolsaq, kandidattardyń 87 paiyzy ózin-ózi usynýshylar, al 13 paiyzyn máslihattar usynǵan», - dedi Berik Imashev.
Onyń dereginshe, kandidattardyń ortasha jasy - 50,8. Eń jas úmitker 30 jasta. Al úmitkerler arasyndaǵy eń joǵary jas - 69.
