QR Ortalyq sailaý komissiiasynda QR Parlamenti Senaty depýtattarynyń sailaýyn ótkizý kezinde koronavirýstyq infektsiianyń taralýynyń aldyn alý boiynsha usynymdar bekitildi, dep habarlaidy QazAqparat.
QR OSK otyrysynda naýqan kezindegi indettiń taralýyna jol bermeý sharalary qaraldy.
QR Ortalyq sailaý komissiiasynyń tóraǵasy Berik Imashevtyń aitýynsha, koronavirýs infektsiiasynyń taralýyn boldyrmaý, sanitarlyq qaýipsizdik, sondai-aq sailaý protsesine qatysýshylardyń densaýlyǵyna alańdaýshylyq turǵysynda Qazaqstan Respýblikasynyń Bas memlekettik sanitarlyq dárigerimen birlesip birqatar usynystar ázirlendi.
Óz kezeginde QR OSK múshesi Serik Sydyqov Senat depýtattaryn sailaý kezinde infektsiianyń taralýyn aldyn alý boiynsha usynystar daiyndalǵanyn, osy oraida tiisti qaýlynyń jobasy bar ekenin atap ótti.
«Bul usynystardyń jobasy densaýlyq saqtaý ministrligindegi mamandarmen jan-jaqty pysyqtaldy. Usynymdar sailaý barysyndaǵy úgit-nasihat jumystaryn júrgizýde, birlesken otyrys ótkizýde jáne daýystardy sanaý kezinde sailaý protsesine qatysýshylardyń qaýipsizdigin qamtamasyz etýge baǵyttalǵan. Óńirlerde osy usynystardyń oryndalýyn qamtamasyz etý boiynsha tolyq múmkinshilikter bar. Osy oraida tiisti daiyndyq jumystary júrgizilýde», - dedi S. Sydyqov.
Onyń sózine qaraǵanda, daýys berýge arnalǵan pýnkterde arnaiy kabinalarda, basqa da tehnikalyq jabdyqtardy ornalastyrýda 1,5-2 metrlik araqashyqtyqty saqtaý qarastyrylǵan. Daýys berý jáshikterin ashýdyń aldynda olardy antiseptikalyq quraldarmen óńdeý qajettigine jáne sailaý protsesine qatysýshylardyń jeke qorǵaný quraldarymen qamtamasyz etýge basa nazar aýdaryldy.
«Daýys berý oryndarynda meditsina qyzmetkerleriniń kezekshiligin uiymdastyrý kózdelgen», - dedi Serik Sydyqov.
