QR Ortalyq sailaý komissiiasybiylǵy 12 tamyzǵa belgilengen Parlament Senaty depýtattarynyń sailaýyna daiyndyq máselesi boiynsha otyrys ótkizdi, dep habarlaidy "Ult aqparat".
Otyrysqa videokonferentsbailanys rejiminde oblystardyń, Nur-Sultan, Almaty jáne Shymkent qalalarynyń aýmaqtyq sailaý komissiialary jáne onlain rejimde buqaralyq aqparat quraldarynyń ókilderi qatysty .
QR OSK Tóraǵasy Berik Imashev málim etkendei, 10 tamyz saǵat 00:00-de kandidattardyń sailaýaldy úgit-nasihattary aiaqtalady. Osymen, Kúntizbelik josparǵa sáikes daýys berý kúnin uiymdastyrýmen jáne ótkizýmen bailanysty barlyq sailaýaldy is-sharalar aiaqtalady.
«Osyǵan bailanysty oblystardyń, Nur-Sultan, Almaty jáne Shymkent qalalarynyń aýmaqtyq sailaý komissiialary tóraǵalarynyń daýys berý kúnine daiyndyq týraly aqparattary tyńdaldy.
Sailaý komissiialarynyń usynǵan málimetterine sáikes, sailaý biýlletenderine 46 kandidat engizildi (tirkeýden keiin 12 kandidattan kandidatýralaryn alyp tastaý týraly ótinish berildi).
Iaǵni, Shyǵys Qazaqstan oblysynan - 4 kandidattan, al 10 óńirden 3 kandidattan: Aqmola, Atyraý, Batys Qazaqstan, Qaraǵandy, Qostanai, Qyzylorda jáne Pavlodar oblystary, Nur-Sultan, Almaty, Shymkent qalalary. Qalǵan óńirlerden - 2 kandidattan», - delingen OSK aqparatynda.
Respýblika boiynsha tańdaýshylar tizimine 3069 máslihat depýtaty engizilgen. Olardyń basym bóligi Almaty oblysynan - 317 jáne Shyǵys Qazaqstan oblysynan – 301, al edáýir az bóligi Nur-Sultan qalasynan - 21, Shymkent qalasynan - 26 jáne Almaty qalasynan - 32.
Berik Imashev óńirlerdegi sanitarlyq-epidemiologiialyq jaǵdaidy eskere otyryp, sailaý protsesiniń sanitarlyq qaýipsizdigin qamtamasyz etý úshin barlyq qajetti sharalar qabyldanǵanyn atap ótti.
Budan basqa, sailaý kúni Ortsailaýkomnyń internet-resýrsy arqyly tańdaýshylardy tirkeýdi jáne daýys berýdiń aldyn ala qorytyndylaryn shyǵarýdy onlain baiqaý servisteri jumys isteitin bolady. Bul sailaý protsesiniń ashyqtyǵy men jariialylyǵyn qamtamasyz etedi.
