قر ورتالىق سايلاۋ كوميسسيياسىبيىلعى 12 تامىزعا بەلگٸلەنگەن پارلامەنت سەناتى دەپۋتاتتارىنىڭ سايلاۋىنا دايىندىق مەسەلەسٸ بويىنشا وتىرىس ٶتكٸزدٸ, دەپ حابارلايدى "ۇلت اقپارات".
وتىرىسقا ۆيدەوكونفەرەنتسبايلانىس رەجيمٸندە وبلىستاردىڭ, نۇر-سۇلتان, الماتى جەنە شىمكەنت قالالارىنىڭ اۋماقتىق سايلاۋ كوميسسييالارى جەنە ونلاين رەجيمدە بۇقارالىق اقپارات قۇرالدارىنىڭ ٶكٸلدەرٸ قاتىستى .
قر وسك تٶراعاسى بەرٸك يماشەۆ مەلٸم ەتكەندەي, 10 تامىز ساعات 00:00-دە كانديداتتاردىڭ سايلاۋالدى ٷگٸت-ناسيحاتتارى اياقتالادى. وسىمەن, كٷنتٸزبەلٸك جوسپارعا سەيكەس داۋىس بەرۋ كٷنٸن ۇيىمداستىرۋمەن جەنە ٶتكٸزۋمەن بايلانىستى بارلىق سايلاۋالدى ٸس-شارالار اياقتالادى.
«وسىعان بايلانىستى وبلىستاردىڭ, نۇر-سۇلتان, الماتى جەنە شىمكەنت قالالارىنىڭ اۋماقتىق سايلاۋ كوميسسييالارى تٶراعالارىنىڭ داۋىس بەرۋ كٷنٸنە دايىندىق تۋرالى اقپاراتتارى تىڭدالدى.
سايلاۋ كوميسسييالارىنىڭ ۇسىنعان مەلٸمەتتەرٸنە سەيكەس, سايلاۋ بيۋللەتەندەرٸنە 46 كانديدات ەنگٸزٸلدٸ (تٸركەۋدەن كەيٸن 12 كانديداتتان كانديداتۋرالارىن الىپ تاستاۋ تۋرالى ٶتٸنٸش بەرٸلدٸ).
ياعني, شىعىس قازاقستان وبلىسىنان - 4 كانديداتتان, ال 10 ٶڭٸردەن 3 كانديداتتان: اقمولا, اتىراۋ, باتىس قازاقستان, قاراعاندى, قوستاناي, قىزىلوردا جەنە پاۆلودار وبلىستارى, نۇر-سۇلتان, الماتى, شىمكەنت قالالارى. قالعان ٶڭٸرلەردەن - 2 كانديداتتان», - دەلٸنگەن وسك اقپاراتىندا.
رەسپۋبليكا بويىنشا تاڭداۋشىلار تٸزٸمٸنە 3069 مەسليحات دەپۋتاتى ەنگٸزٸلگەن. ولاردىڭ باسىم بٶلٸگٸ الماتى وبلىسىنان - 317 جەنە شىعىس قازاقستان وبلىسىنان – 301, ال ەدەۋٸر از بٶلٸگٸ نۇر-سۇلتان قالاسىنان - 21, شىمكەنت قالاسىنان - 26 جەنە الماتى قالاسىنان - 32.
بەرٸك يماشەۆ ٶڭٸرلەردەگٸ سانيتارلىق-ەپيدەميولوگييالىق جاعدايدى ەسكەرە وتىرىپ, سايلاۋ پروتسەسٸنٸڭ سانيتارلىق قاۋٸپسٸزدٸگٸن قامتاماسىز ەتۋ ٷشٸن بارلىق قاجەتتٸ شارالار قابىلدانعانىن اتاپ ٶتتٸ.
بۇدان باسقا, سايلاۋ كٷنٸ ورتسايلاۋكومنىڭ ينتەرنەت-رەسۋرسى ارقىلى تاڭداۋشىلاردى تٸركەۋدٸ جەنە داۋىس بەرۋدٸڭ الدىن الا قورىتىندىلارىن شىعارۋدى ونلاين بايقاۋ سەرۆيستەرٸ جۇمىس ٸستەيتٸن بولادى. بۇل سايلاۋ پروتسەسٸنٸڭ اشىقتىعى مەن جارييالىلىعىن قامتاماسىز ەتەدٸ.
