Elordada Qazaqstan Respýblikasy Ortalyq sailaý komissiiasynyń otyrysy ótti, dep habarlaidy "Ult aqparat".
«Depýtattardyń sailaý naýqany bastalǵaly beri búginge deiin 88 adam usynyldy. Ortasha alǵanda bir depýtattyq orynǵa bes adam úmitker bolyp tur. Usyný merzimi 12 shilde kúni saǵat 18.00-ge deiin jalǵasady. Usyný kezeńiniń sońǵy qorytyndylaryn jeke otyrysta qarastyramyz», - dedi QR Ortalyq sailaý komissiiasynyń tóraǵasy Berik Imashev otyrysta.
Aita keteiik, osy jyldyń 12 maýsymynda Memleket basshysy Qasym-Jomart Toqaevtyń QR Parlamenti Senaty depýtattarynyń sailaýyn 2020 jylǵy 12 tamyzǵa taǵaiyndaý týraly qaýlysy shyqqan edi.
Osyǵan orai QR Ortalyq sailaý komissiiasynyń onlain rejimde otyrysy ótip, onda sailaýǵa qatysty kúntizbelik is-sharlar jospary bekitilgen. 13 maýsymnan bastap Senat depýtattyǵyna kandidattardy usyný bastaldy.
