QR Parlamenti Senaty depýtattaryn sailaýdyń aldyn ala málimetteri belgili boldy. Bul týraly búgin QR Ortalyq sailaý komissiiasynyń múshesi Lázzat Súleimenova málim etti, dep habarlaidy QazAqparat.
«Astana ýaqytymen 12-00-de 14 óńirde QR Parlamenti Senaty depýtattyǵyna kandidattardy sailaýdyń aldyn ala qorytyndylary shyǵaryldy. Daýystardy sanaý nátijelerin OSK-niń saitynan kóre alasyzdar. QR-daǵy sailaý týraly Konstitýtsiialyq zańynyń 78 baby 2 tarmaǵyna sáikes oblystyq, Astana jáne Almaty qalalyq aýmaqtyq sailaý komissiialarynyń daýystardy sanaý hattamasy sailaý kúninen bastap eki kúnge tolmai Ortalyq sailaý komissiiasyna tabystalýy tiis. Osy hattamalardyń negizinde OSK respýblika boiynsha sailaý qorytyndylaryn shyǵaratyn bolady», - dedi Lázzat Súleimenova.
Onyń aitýynsha, Qaraǵandy men Shyǵys Qazaqstan oblystarynda aldyn ala qorytyndy áli shyǵa qoiǵan joq.
Sonymen Aqmola oblysynda Dáýren Ádilbekov 94,46, Aqtóbe oblysynda Muhtar Jumaǵaziev 93,12, Almaty oblysynda Nurlan Qylyshbaev 91,13, Atyraý oblysynda Ǵumar Dúisembaev 82,44, Shyǵys Qazaqstan oblysynda Dúisenǵazy Mýsin 93,57, Jambyl oblysynda Abdaly Nuraliev 86,87, Batys Qazaqstan oblysynda Nariman Tóreǵaliev 80,41, Qyzylorda oblysynda Murat Baqtiiaruly 70,14, Qostanai oblysynda Jeńis Nurǵaliev 86,49, Mańǵystaý oblysynda Baqtybai Shelpekov 76,11, Pavlodar oblysynda Nurjan Nursipatov 82,14, Soltústik Qazaqstan oblysynda Erik Sultanov 84,62, Ońtústik Qazaqstan oblysynda Álimjan Kúrtaev 82,14, Astana qalasynda Edil Mamytbekov 92, Almaty qalasynda Dinar Núketaeva 94,12 protsent sailaýshylardyń daýysyn jinady.
.jpeg)