11 sáýirde Qazaqstan senatynyń jalpy otyrysynda depýtattar Qytaidan qaryz alý úshin eki el arasyndaǵy kelisimdi ratifikatsiialaý týraly zań jobasyn maquldady, dep habarlaidy Azattyq.
20 jylǵa eki paiyzben alynǵaly jatqan qaryz kólemi - 2 milliard iýan (shamamen 113 mlrd teńge). Nur-Sultan bul aqshaǵa shekarada toǵyz kólik jáne bir temirjol ótkizý beketin "jańǵyrtýdy jáne tehnikalyq jaraqtandyrýdy" josparlap otyr.
- Eýraziia ekonomikalyq odaǵy syrtqy shekarasynyń qazaqstandyq ýchaskesinde ótkizý pýnkteriniń kedendik infraqurylymyn damytý qajet. Qazirgi infraqurylymmen kólikterdi jedel ári kezeksiz ótkizý múmkin emes. Buǵan qazaq-ózbek shekarasyndaǵy ahýal dálel. Qazaqstan jaǵyndaǵy ótkizý pýnktinde kún saiyn 100-300 kólik kezekte tur, taýar tasymaldaýshylar úsh táýlikke deiin kezek kútedi, - dedi Qazaqstan premer-ministriniń birinshi orynbasary, qarjy ministri Álihan Smaiylov.
Ministr Smaiylov shekara beketterin jóndeý jumystary biyl jyl sońynda bastalyp, 2022 jyly aiaqtalatynyn habarlady. Jospar boiynsha, aldymen Qazaqstannyń Qytai men Ózbekstan shekarasyndaǵy ótkizý beketteri jóndeledi. Ornatylatyn tehnikanyń 70 paiyzy Qytaidan satyp alynady.
Kórshi eki el arasyndaǵy nesie kelisimine 2018 jyly maýsymda Pekinde Qazaqstan Prezidenti Nursultan Nazarbaev pen Qytai basshysy Si Tszinpin qol qoiǵan.
