11 سەۋٸردە قازاقستان سەناتىنىڭ جالپى وتىرىسىندا دەپۋتاتتار قىتايدان قارىز الۋ ٷشٸن ەكٸ ەل اراسىنداعى كەلٸسٸمدٸ راتيفيكاتسييالاۋ تۋرالى زاڭ جوباسىن ماقۇلدادى, دەپ حابارلايدى ازاتتىق.
20 جىلعا ەكٸ پايىزبەن الىنعالى جاتقان قارىز كٶلەمٸ - 2 ميلليارد يۋان (شامامەن 113 ملرد تەڭگە). نۇر-سۇلتان بۇل اقشاعا شەكارادا توعىز كٶلٸك جەنە بٸر تەمٸرجول ٶتكٸزۋ بەكەتٸن "جاڭعىرتۋدى جەنە تەحنيكالىق جاراقتاندىرۋدى" جوسپارلاپ وتىر.
- ەۋرازييا ەكونوميكالىق وداعى سىرتقى شەكاراسىنىڭ قازاقستاندىق ۋچاسكەسٸندە ٶتكٸزۋ پۋنكتەرٸنٸڭ كەدەندٸك ينفراقۇرىلىمىن دامىتۋ قاجەت. قازٸرگٸ ينفراقۇرىلىممەن كٶلٸكتەردٸ جەدەل ەرٸ كەزەكسٸز ٶتكٸزۋ مٷمكٸن ەمەس. بۇعان قازاق-ٶزبەك شەكاراسىنداعى احۋال دەلەل. قازاقستان جاعىنداعى ٶتكٸزۋ پۋنكتٸندە كٷن سايىن 100-300 كٶلٸك كەزەكتە تۇر, تاۋار تاسىمالداۋشىلار ٷش تەۋلٸككە دەيٸن كەزەك كٷتەدٸ, - دەدٸ قازاقستان پرەمەر-مينيسترٸنٸڭ بٸرٸنشٸ ورىنباسارى, قارجى مينيسترٸ ەليحان سمايىلوۆ.
مينيستر سمايىلوۆ شەكارا بەكەتتەرٸن جٶندەۋ جۇمىستارى بيىل جىل سوڭىندا باستالىپ, 2022 جىلى اياقتالاتىنىن حابارلادى. جوسپار بويىنشا, الدىمەن قازاقستاننىڭ قىتاي مەن ٶزبەكستان شەكاراسىنداعى ٶتكٸزۋ بەكەتتەرٸ جٶندەلەدٸ. ورناتىلاتىن تەحنيكانىڭ 70 پايىزى قىتايدان ساتىپ الىنادى.
كٶرشٸ ەكٸ ەل اراسىنداعى نەسيە كەلٸسٸمٸنە 2018 جىلى ماۋسىمدا پەكيندە قازاقستان پرەزيدەنتٸ نۇرسۇلتان نازارباەۆ پەن قىتاي باسشىسى سي تسزينپين قول قويعان.
