Búgin Parlament Senatynyń depýtattary «Qoǵamdyq baqylaý týraly» zań jobasynyń tásilderi men erejelerin talqylady, dep habarlaidy "Ult aqparat".
QR Parlamenti Senatynyń Áleýmettik-mádeni damý komiteti depýtattarynyń Aqparat jáne qoǵamdyq damý ministri Aida Balaevamen jáne qoǵam ókilderimen kezdesýi Memleket basshysy Qasym-Jomart Toqaevtyń biylǵy Joldaýyn iske asyrý sheńberinde ótti.
Kezdesý barysynda qoǵamdyq baqylaýdy zańnamalyq bekitý máseleleri boiynsha negizgi tásilder talqylandy.
«Aida Balaeva qoǵamdyq baqylaý institýtyn jetildirýdiń ýaqtylyǵy men ózektiligin atap ótip, «Qoǵamdyq baqylaý júiesin qalyptastyrý jáne qoǵamdyq baqylaýdy júzege asyrý protsesin quqyqtyq reglamentteý úshin quqyqtyq jaǵdailar jasaý azamattardyń barlyq syndarly suranystaryna jedel jáne tiimdi jaýap beretin «Halyq únine qulaq asatyn memleket» tujyrymdamasyn iske asyrý boiynsha Memleket basshysy qoiǵan mindetterdi júzege asyrý úshin pármendi sharalardyń biri bolatynyn» jetkizdi.
Osylaisha, bolashaq zań jobasynyń maqsaty qoǵamdyq baqylaý júiesiniń quqyqtyq negizin, sondai-aq azamattyq qoǵamdy odan ári damytý úshin quqyqtyq jaǵdailar jasaýdy aiqyndaý usynylady.
«Zań jobasynyń mindetine biryńǵai uǵymdyq apparatty qalyptastyrý, qoǵamdyq baqylaýdy júzege asyrý qaǵidattarynyń biryńǵai júiesin belgileý, sybailas jemqorlyqqa qarsy kúreste qoǵamdyq kúsh-jigerdi biriktirýdiń quqyqtyq tetikterin jasaý, sondai-aq qoǵamdyq baqylaý sýbektileri men obektileriniń fýnktsiialaryn, ókilettikteri men jaýapkershiligin aiqyndaý kiredi», - delingen Aqparat jáne qoǵamdyq damý ministrliginiń aqparatynda.
Kezdesý barysynda «Qazaqstannyń ekologiialyq uiymdarynyń qaýymdastyǵy» ZTB basqarma tóraǵasy Aigúl Soloveva, «Qazaqstannyń Azamattyq Aliansy» ZTB prezidenti Baný Nurǵazieva, «Ult taǵdyry» QB tóraǵasy Dosmahambet Kóshim jáne «Adam quqyqtary men zańdylyqty saqtaý jónindegi Qazaqstandyq Halyqaralyq biýro» QB direktory Evgenii Jovtis, saiasattanýshy, memleket jáne qoǵam qairatkeri Aidos Sarym, «Eurasian Expert Council» QQ basshysy Shyńǵys Lepsibaev sóz sóiledi.
