Elimizdiń qarjy salasyndaǵy tabys biylǵy jyly birshama óskendigi baiqalady. Respýblikalyq biýdjet tabysy 2016 jyly 834,9 mlrd teńgege ósip, 4,2 trln teńgeni qurady. Jáne Senat depýtattary «2016 - 2018 jyldarǵa arnalǵan respýblikalyq biýdjet týraly» zańǵa ózgerister men tolyqtyrýlardy da bekitti, dep habarlaidy Ult.kz tilshisi BAQ.kz portalyna silteme jasap.
Qasym-Jomart Toqaevtyń basqarýymen ótken senatorlar otyrysynda Joǵarǵy Palata «Qazaqstan Respýblikasynyń Ulttyq qorynan 2016-2018 jyldarǵa arnalǵan kepildendirilgen transfert týraly» zańǵa ózgeris engizý týraly» zańǵa túzetýdi qabyldady.
Sonymen qatar, Senat depýtattary 2016 jylǵy respýblikalyq biýdjettiń boljamdy shyǵyndary osyǵan deiingi josparǵa qaraǵanda 379,9 mlrd teńgege kóbeiip, 8,647 trln teńge dep eseptelgendigin aitty.
Qosymsha biýdjet qarjysynan 283,4 mlrd teńge ekonomikalyq ósimdi yntalandyrýǵa, 70,2 mlrd teńge el qaýipsizdigin arttyrýǵa jáne taǵy 136,4 mlrd teńge basqa da jobalardy atqarýǵa jumsalatyn bolady.
Senat boljamy boiynsha, 2016 jyly respýblikalyq biýdjet tapshylyǵy burynǵy kúiinde qalady, iaǵni 902,7 mlrd teńgeni nemese JIÓ-niń 2%-yn quraidy.
«Búgingi qabyldanǵan zańdar elimizdiń áleýmettik-ekonomikalyq damýyna, halyqtyń ál-aýqatyn jaqsartýǵa oń áserin tigizedi. Úkimet aldaǵy ýaqytta zańdarǵa engizilgen ózgeristerge sáikes tiisti sharalardy oryndaidy jáne depýtattar aitqan usynystardy eskeredi dep biz senemiz" - dedi Tóraǵa Q.Toqaev otyrys barysynda.
Sondai-aq vedomstvo, Ulttyq qordan respýblikalyq biýdjetke baratyn kepildendirilgen transfert 2,479 trln teńgege deiin tómendedi. 2016 jylǵy biýdjetke túsetin tabys kólemi men Ulttyq qor qarjysyn saqtaý maqsatynda osyndai sheshim qabyldanǵan.
.jpeg)