"Semeidegi Abai mýzeii «Astana-Zashita» baǵytyndaǵy júrdek poiyzyn «Abai joly» dep ataýdy usyndy", - dep habarlaidy elimizdiń Mádeniet jáne sport ministrliginiń baspasóz qyzmeti.
Osy máselege bailanysty ministrliktiń resmi saitynda jariialanǵan málimetterge qaraǵanda, ótken jyldyń jeltoqsan aiynda «Qazaqstan temir joly» UK AQ-nyń prezidenti, Basqarma tóraǵasy Qanat Alpysbaev myrzaǵa Abai mýzeii ujymynyń uiymdastyrýymen jergilikti ákimshilik jáne qoǵamdyq uiymdardyń atynan «Aldaǵy, 2017 jyly álemge áigili «Abai joly» roman-epopeiasynyń avtory, kemeńger jazýshy, ult maqtanyshy Muhtar Áýezovtiń týǵanyna 120 jyl tolatynyn eskere otyryp, «Astana-Zashita» baǵytyna qatynaityn №67/68 «Tulpar-Talgo» poiyzyn «Abai joly» dep ataýdy suraimyz» degen mazmunda arnaiy hat joldanǵandyǵy aitylady.
Hatqa QR eńbek sińirgen qairatkeri, «Qurmet» ordeniniń iegeri T.Ibragimov, «Abai» qorynyń prezidenti O.Káribjanov, Semei qalasy ákimdiginiń mádeniet jáne tilderdi damytý bóliminiń basshysy B.Kópbaev, respýblikalyq «Abai» jýrnalynyń bas redaktory M.Ospanov, Shákárim atyndaǵy memlekettik ýniversitetiniń A.Espenbetov, A.Isin, M.Kárimov, M.Túiebaev, M.Muhamadiev tárizdi ózge de birqatar ǵalymdary men ziialy qaýym ókilderi qol qoiǵan.
Kóp keshikpei Abai mýzeiiniń direktory Bolat Júnisbekov myrzaǵa joǵaryda atalǵan ulttyq kompaniianyń damý jónindegi vitse-prezidentiniń mindetin atqarýshy D. Nurmaǵanbetovten «Qazaqstan temir joly» ulttyq kompaniiasy» aktsionerlik qoǵamynyń enshiles kompaniiasy «Jolaýshylar tasymaly» aktsionerlik qoǵamynan «Astana-Zashita» baǵytyndaǵy jolaýshylar poiyzyna «Abai joly» ataýyn berý jónindegi usynysyńyz nazarǵa alynyp, kelisildi. Qazirgi tańda Qoǵam tarapynan osy másele boiynsha tiisti jumystar atqarylýda», - degen jaýap ta kelgen edi.
«Osy másele boiynsha telefon arqyly tildeskenimizde «Jolaýshylar tasymaly» aktsionerlik qoǵamynyń servistik qyzmet kórsetý bóliminiń bas mamany Asqar Ahmetbekov «Abai joly» ataýymen jolaýshylar poiyzy osy qańtar aiynyń sońynda nemese aldaǵy aqpan aiynda qatynaityn bolady, dep habarlady» delingen baspasóz málimetterinde.
«Danyshpan Abaidai uly tulǵalardy dáripteý arqyly ult mereiin asqaqtatyp ósiretin osyndai igi ister elimizde árdaiym kóbeie bersin. Olai bolsa, «Abai joly» jolaýshylar poezyna aq jol tilep, asyǵa kútemiz!»,-deidi mýzei ujymynyń ókilderi.
.jpeg)