Foto: Instagram.com
Stendap-komik ári is-shara uiymdastyrýshysy Álibek Jumabaev ázildegeni úshin 5 táýlikke qamaýǵa alynǵan. Alaida arnaiy qabyldaý izoliatorynda bos oryn bolmaǵandyqtan, komik úiine jiberilgen, dep habarlaidy Ult.kz Stan.kz aqparat portalyna silteme jasap.
Blogerdiń málimetinshe, oqiǵa 2025 jylǵy 2 qarashada saǵat 21:00 Semeidegi Momyshuly kóshesi 31/33 mekenjaiynda ornalasqan "Koster" meiramhanasynda ótken stendap-kontsert kezinde bolǵan.
Komik Instagram-paraqshasyna toltyrylǵan hattamany júktedi, onda onyń stendap-shoýdy ótkizý barysynda ádepsiz sózder qoldanǵany jáne óneriniń beinejazbasyn áleýmettik jelige júktegeni kórsetilgen. Qujatta Jumabaevtyń áreketi Qazaqstan Respýblikasynyń Ákimshilik quqyqbuzýshylyq týraly kodeksiniń 434-baby, 1-bóligi boiynsha “Qoǵamǵa qurmetsizdik tanytty” dep baǵalanǵan.
Jumabaev keiinirek izoliatorda bos oryn joq bolǵandyqtan, qamaýda ustaý sharasy oryndalmai, úiine qaitarylǵanyn málimdedi.
Abai oblystyq politsiia departamentiniń baspasóz qyzmeti stendap-komik Álibek Jumabaevtyń ustalǵany týraly aqparatty rastady. Vedomstvo málimetinshe, 2025 jylǵy 22 qarashada shamamen saǵat 21:00-de komik meiramhanada óner kórsetip, ádepsiz sózder aitqan.
“Is-sharadan túsirilgen video áleýmettik jelilerde tarap, qoǵamda qyzý talqyǵa tústi. Jariialanǵan jazbany zerttegen politseiler qoǵamdyq orynda beiádep sózder aitqany úshin quqyq buzýshyny ákimshilik jaýapkershilikke tartty”, – dep habarlady departamenttiń baspasóz qyzmeti.
Sot tergeý júrgizip, komikti kináli dep tanyǵan.
“Ákimshilik materialdy qaraý qorytyndysy boiynsha sot ony kináli dep tanyp, 5 táýlikke ákimshilik qamaýǵa alý túrindegi jaza taǵaiyndady”, – dedi vedomstvo ókilderi.
Baspasóz qyzmeti qoǵamdyq is-sharalar uiymdastyrýshylaryn jáne ónerpazdardy jaýapkershilikti umytpaýǵa shaqyrdy.
“Qoǵamdyq is-sharalar, onyń ishinde iýmoristik shoýlar da, qoǵamdyq moral normalary men tyńdarmanǵa qurmet kórsetý talaptaryna sai ótkizilýge tiis. Qoǵamdyq oryndarda beiádep sózder arqyly “erekshelenýge” nemese “ózin bildirýge” talpynystar, ásirese olardy jelige taratý – zańbuzýshylyq. Mundai áreketter jazasyz qalmaidy. Politsiia qoǵamdyq tártip pen mádenietke nuqsan keltiretin quqyqbuzýshylyqtardyń aldyn alý sharalaryn odan ári jalǵastyrady”, – delingen habarlamada.
