فوتو: Instagram.com
ستەنداپ-كوميك ەرٸ ٸس-شارا ۇيىمداستىرۋشىسى ەلٸبەك جۇماباەۆ ەزٸلدەگەنٸ ٷشٸن 5 تەۋلٸككە قاماۋعا الىنعان. الايدا ارنايى قابىلداۋ يزولياتورىندا بوس ورىن بولماعاندىقتان, كوميك ٷيٸنە جٸبەرٸلگەن, دەپ حابارلايدى Ult.kz Stan.kz اقپارات پورتالىنا سٸلتەمە جاساپ.
بلوگەردٸڭ مەلٸمەتٸنشە, وقيعا 2025 جىلعى 2 قاراشادا ساعات 21:00 سەمەيدەگٸ مومىشۇلى كٶشەسٸ 31/33 مەكەنجايىندا ورنالاسقان "كوستەر" مەيرامحاناسىندا ٶتكەن ستەنداپ-كونتسەرت كەزٸندە بولعان.
كوميك Instagram-پاراقشاسىنا تولتىرىلعان حاتتامانى جٷكتەدٸ, وندا ونىڭ ستەنداپ-شوۋدى ٶتكٸزۋ بارىسىندا ەدەپسٸز سٶزدەر قولدانعانى جەنە ٶنەرٸنٸڭ بەينەجازباسىن ەلەۋمەتتٸك جەلٸگە جٷكتەگەنٸ كٶرسەتٸلگەن. قۇجاتتا جۇماباەۆتىڭ ەرەكەتٸ قازاقستان رەسپۋبليكاسىنىڭ ەكٸمشٸلٸك قۇقىقبۇزۋشىلىق تۋرالى كودەكسٸنٸڭ 434-بابى, 1-بٶلٸگٸ بويىنشا “قوعامعا قۇرمەتسٸزدٸك تانىتتى” دەپ باعالانعان.
جۇماباەۆ كەيٸنٸرەك ٸزولياتوردا بوس ورىن جوق بولعاندىقتان, قاماۋدا ۇستاۋ شاراسى ورىندالماي, ٷيٸنە قايتارىلعانىن مەلٸمدەدٸ.
اباي وبلىستىق پوليتسييا دەپارتامەنتٸنٸڭ باسپاسٶز قىزمەتٸ ستەنداپ-كوميك ەلٸبەك جۇماباەۆتىڭ ۇستالعانى تۋرالى اقپاراتتى راستادى. ۆەدومستۆو مەلٸمەتٸنشە, 2025 جىلعى 22 قاراشادا شامامەن ساعات 21:00-دە كوميك مەيرامحانادا ٶنەر كٶرسەتٸپ, ەدەپسٸز سٶزدەر ايتقان.
“ٸس-شارادان تٷسٸرٸلگەن ۆيدەو ەلەۋمەتتٸك جەلٸلەردە تاراپ, قوعامدا قىزۋ تالقىعا تٷستٸ. جارييالانعان جازبانى زەرتتەگەن پوليتسەيلەر قوعامدىق ورىندا بەيەدەپ سٶزدەر ايتقانى ٷشٸن قۇقىق بۇزۋشىنى ەكٸمشٸلٸك جاۋاپكەرشٸلٸككە تارتتى”, – دەپ حابارلادى دەپارتامەنتتٸڭ باسپاسٶز قىزمەتٸ.
سوت تەرگەۋ جٷرگٸزٸپ, كوميكتٸ كٸنەلٸ دەپ تانىعان.
“ەكٸمشٸلٸك ماتەريالدى قاراۋ قورىتىندىسى بويىنشا سوت ونى كٸنەلٸ دەپ تانىپ, 5 تەۋلٸككە ەكٸمشٸلٸك قاماۋعا الۋ تٷرٸندەگٸ جازا تاعايىندادى”, – دەدٸ ۆەدومستۆو ٶكٸلدەرٸ.
باسپاسٶز قىزمەتٸ قوعامدىق ٸس-شارالار ۇيىمداستىرۋشىلارىن جەنە ٶنەرپازداردى جاۋاپكەرشٸلٸكتٸ ۇمىتپاۋعا شاقىردى.
“قوعامدىق ٸس-شارالار, ونىڭ ٸشٸندە يۋموريستٸك شوۋلار دا, قوعامدىق مورال نورمالارى مەن تىڭدارمانعا قۇرمەت كٶرسەتۋ تالاپتارىنا ساي ٶتكٸزٸلۋگە تيٸس. قوعامدىق ورىنداردا بەيەدەپ سٶزدەر ارقىلى “ەرەكشەلەنۋگە” نەمەسە “ٶزٸن بٸلدٸرۋگە” تالپىنىستار, ەسٸرەسە ولاردى جەلٸگە تاراتۋ – زاڭبۇزۋشىلىق. مۇنداي ەرەكەتتەر جازاسىز قالمايدى. پوليتسييا قوعامدىق تەرتٸپ پەن مەدەنيەتكە نۇقسان كەلتٸرەتٸن قۇقىقبۇزۋشىلىقتاردىڭ الدىن الۋ شارالارىن ودان ەرٸ جالعاستىرادى”, – دەلٸنگەن حابارلامادا.
